Deuteronomio 9:18 - Marahay na Bareta Biblia

¹⁸ Dangan nagdapa giraray ako sa atubang nin Kagurangnan sa laog nin kwarentang aldaw asin banggi; dai ako nagkakan o nag-inom nin ano man. Ginibo ko iyan huli ta nagkasala kamo sa Kagurangnan asin pinaanggot nindo siya.

Deuteronomio 9:18 ပူးပေါင်းရင်းမြစ်များ

2 Samuel 12:16

Kaya namibi si David sa Dios para sa saiyang aki. Nag-ayuno si David, asin pagkabanggi naglaog siya sa saiyang kwarto dangan pinalihis an bangging nakahigda sa salog.

1 Mga Hade 19:8

Nagbangon si Elias, nagkakan saka nag-inom, dangan sa kosog na itinao kan pagkakan na idto, naglakaw siya sa laog nin kwarentang aldaw saka kwarentang banggi pasiring sa Sinai, an bukid nin Dios.

Esdras 10:6

Dangan naghale si Esdras sa atubangan kan Templo asin nagduman sa harong ni Jehohanan na aking lalaki ni Eliasib, asin duman nagpaaga. Dai siya nagkakan o nag-inom nin anoman; nagmondo siya huli ta dai nagin maimbod an mga itinapok.

Salmo 106:23

Kan siya magtaram na tutunawon niya an saiyang banwaan, si Moises na saiyang pinili nagtindog sa saiyang atubang, nakimaherak na dai sinda tunawon kan saiyang kaanggotan.

Exodo 34:28

Nagdanay si Moises sa kaibahan nin Kagurangnan sa laog nin kwarentang aldaw asin kwarentang banggi; dai siya nagkakan o nag-inom. Isinurat niya sa duwang tablang gapo an mga tataramon kan tipan—an Sampolong Togon.

Exodo 34:9

Dangan nagsabi siya, “O Kagurangnan, kun totoong nawiwilihan mo ako, nakikimaherak ako na ibahan mo kami, maski matagas an payo kan mga tawong ini. Patawadon mo kami kan samong mga karatan saka mga kasalan, asin akoa kami bilang sadiri mong banwaan.”

Deuteronomio 10:10

“Arog kan enot, nag-ontok ako sa bukid sa laog nin kwarentang aldaw asin banggi. Dinangog giraray ako nin Kagurangnan asin nag-oyon siya na dai kamo pagtunawon.

Deuteronomio 9:17

Kaya ipinusak ko sa atubang nindo an duwang tablang gapo asin nagkabaraak idto.

Deuteronomio 9:25

“Kaya nagdapa ako sa atubang nin Kagurangnan sa laog kan kwarentang aldaw asin bangging idto, huli ta boot nanggad niyang tunawon kamo.

Deuteronomio 9:9

Nagtukad ako sa bukid tanganing akoon an mga tablang gapo na nasusuratan kan tipan nin Kagurangnan sa saindo. Kwarentang aldaw asin banggi ako duman, na dai nagkakan o nag-inom nin ano man.