Deuteronomio 8:7 - Marahay na Bareta Biblia

⁷ Dadarahon kamo nin Kagurangnan na saindong Dios sa sarong marahay na daga—daga na igwa nin mga salog, mga sapa asin mga burabod na minabulos sa mga kapantayan saka kabubuldan;

Deuteronomio 8:7 ပူးပေါင်းရင်းမြစ်များ

Genesis 49:11

An ogbon nin saiyang asno iginagakod niya sa poon nin ubas, Sa pinakamarahay na poon nin ubas. Linalabahan niya an saiyang gubing sa arak, an saiyang bado sa dugo nin ubas.

2 Mga Hade 18:32

sagkod na mag-abot an emperador asin darahon niya kamo sa sarong daga na arog kan sadiri nindong daga, sarong daga nin trigo saka arak, sarong daga nin tinapay saka mga ubasan, sarong daga nin mga kahoy nin oliba saka dugos tanganing mabuhay kamo asin dai magadan. Dai kamo maghinanyog ki Ezekias kun papag-isipon niya kamo na ililigtas kamo nin Kagurangnan.

Salmo 104:10

An mga burabod pinabulos mo sa mga kapantayan; asin an mga salog, sa pagultanan kan kabubuldan.

Salmo 106:24

Dangan hinaboan ninda an mayaman na daga; dai sinda nagtubod sa saiyang panuga.

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Isaias 36:17

sagkod na paerokon kamo kan emperador sa sarong daga na pareho kan saindong daga, saen igwa nin mga ubasan na nagtatao nin arak asin igwa nin trigo na magigibong tinapay.

Isaias 5:1

Pagdangog mantang inaawit ko an awit na ini, sarong awit manongod sa sakong katood asin sa saiyang ubasan: Igwang ubasan an sakong katood sa sarong matubang na bulod.

Jeremias 2:7

Dinara ko sinda sa sarong matubang na daga, tanganing magpakabasog sinda sa mga bunga asin sa iba pang marahay na mga bagay na makukua duman. Alagad paglaog ninda, rinaot ninda an sakong daga; dinigtaan ninda an dagang itinao ko sainda.

Ezekiel 17:5

Dangan nagkua siya nin sarong sadit na tinanom hale sa daga nin Israel asin itinanom sa sarong matubang na daga, na danay na igwa nin tubig.

Ezekiel 20:6

Kan aldaw na idto nanuga ako na iluluwas ko sinda sa Egipto asin dadarahon sa dagang pinili ko para sainda, sarong mayaman na daga, an pinakamarahay sa gabos na daga.

Deuteronomio 8:6

Kaya kuyogon nindo an saiyang mga pagboot: mamuhay kamo sosog sa saiyang mga togon asin matakot kamo saiya.

Deuteronomio 8:8

daga na matao nin trigo asin sebada, nin mga ubas, higera, granada, oliba sagkod dugos.

Hukom 18:10

Pag-abot nindo duman, mahihiling nindo na dai lamang nagsususpetsa an mga tawo. Mahiwas an daga asin yaon duman an gabos na kaipuhan nin siisay man. Itinatao idto nin Dios sa saindo.”