Deuteronomio 8:3 - Marahay na Bareta Biblia

³ Ginutom niya kamo dangan pinakakan nin manna, sarong pagkakan na dai pa nanamitan nindo asin kan saindong mga magurang. Ginibo niya idto tanganing tukdoan kamo na an tawo nabubuhay bako sa tinapay sana kundi sa lambang tataramon na minagikan sa ngoso nin Kagurangnan.

Deuteronomio 8:3 ပူးပေါင်းရင်းမြစ်များ

Salmo 105:40

Naghagad sinda, asin an Dios nagpadara nin mga pugo; tinawan niya sinda nin dakul na tinapay hale sa langit.

Salmo 37:3

Magsarig ka sa Kagurangnan asin maggibo nin matanos; tanganing mag-erok ka sa daga, asin magin ligtas.

Mateo 4:4

Alagad nagsimbag si Jesus, “Nasusurat, ‘Bakong sa tinapay sana nabubuhay an tawo, kundi sa lambang tataramon na minagikan sa ngoso nin Dios.’”

Lukas 4:4

Nagsimbag si Jesus, “Nasusurat, ‘Bakong sa tinapay sana nabubuhay an tawo.’”

1 Corinto 10:3

Nagkakan sinda gabos kan parehong kakanon na espiritwal,

Deuteronomio 29:5

Pinangenotan ko kamo sa desyerto sa laog nin kwarentang taon; dai nagdaan an saindong mga gubing asin dai napudpod an saindong mga sandalyas.

Deuteronomio 29:6

Mayo kamong tinapay na makakakan asin arak na maiinom, alagad tinawan kamo kaiyan nin Kagurangnan tanganing maaraman nindo na siya an saindong Dios.

Deuteronomio 32:47

Mahalaga an mga katukdoan na ini; iyo ini an saindong buhay. Kuyogon nindo ini asin mahalawig an saindong buhay duman sa daga na nasa ibong kan Jordan, sa daga na saindong sasadirihon.”

Deuteronomio 9:9

Nagtukad ako sa bukid tanganing akoon an mga tablang gapo na nasusuratan kan tipan nin Kagurangnan sa saindo. Kwarentang aldaw asin banggi ako duman, na dai nagkakan o nag-inom nin ano man.