Deuteronomio 8:17 - Marahay na Bareta Biblia

¹⁷ Kaya dai nanggad kamo mag-isip na nagyaman kamo huli sa sadiri nindong kakayahan saka kosog.

Deuteronomio 8:17 ပူးပေါင်းရင်းမြစ်များ

An Libro ni Job 31:25

kun nag-orgulyo ako huli ta dakul an sakong kayamanan o huli ta dakul an natipon kan sakong kamot;

Salmo 44:3

Bakong huli sa saindang espada napasainda an daga; bakong huli sa saindang kosog nakamtan an panggana; kundi huli sa too mong kamot asin takyag patin sa liwanag kan lalawogon mo; huli ta sinda nawilihan mo.

Parahulit 3:6

panahon nin paghahanap, saka panahon nin pagkakawara; panahon nin pagsaray, saka panahon nin pagtapok;

Parahulit 9:11

Nahiling ko man na sa kinaban na ini, bakong an gabos na marikas iyo an nanggagana sa karera; an mga maiisog dai man danay na nanggagana sa gera; bakong an gabos na madonong iyo an nagkakaigwa nin ikabubuhay; bakong an gabos na may abilidad an nagkakaigwa nin kayamanan; bakong an gabos na eksperto an nagkakamit kan haralangkaw na katongdan. An kadimalasan nangyayari sa kiisay man.

Jeremias 9:22

Nagwararak maski saen an mga bangkay, na garo mga tambak nin ati sa kaomahan, na garo mga paroy na inasyab kan mga paraani dangan binayaan na mayo nin minatipon. Ini an ipinapataram sako nin Kagurangnan.”

Ezekiel 28:5

Huli kan dakula mong kadonongan sa negosyo, nadagdagan an saimong kayamanan, asin nagin mapaabaw-abaw ka huli kaiyan.

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Daniel 4:30

nagsabi siya, “Bakong iyo ini an dakulang Babilon na pinatindog ko huli kan sakong kapangyarihan bilang sakong pangenot na syudad tanganing ipahiling an sakong kosog, kamurawayan asin kamahalan?”

Oseas 12:8

Minasabi sinda, ‘Mayaman na kami. Dakulang halaga na an samong natipon asin mayong makakapagsabi na nagyaman kami huli sa pandadaya.’

Habakkuk 1:16

Kaya sinasamba ninda an saindang mga hikot saka dinodolotan nin mga sakripisyo, huli ta nagtatao iyan sa sainda kan pinakamarahay sa gabos na bagay.

1 Corinto 4:7

Huli ta siisay an nagpalaen saindo? Ano an yaon saindo na dai nindo inako? Kun inako nindo, tadaw ta nag-oorgulyo kamo na garong dai nindo iyan inako?

Deuteronomio 7:17

“Dai kamo mag-isip na mas dakul ki sa saindo an mga banwaan na iyan kaya dai nindo sinda mapapahale.

Deuteronomio 9:4

“Pakapahalea sainda nin Kagurangnan na saindong Dios para saindo, dai kamo magsabi na itinao niya saindo an dagang iyan huli ta maninigo kamong mag-ako kaiyan. An totoo, papahaleon nin Kagurangnan an mga nasyon na iyan sa pagdangadang nindo huli ta mga maraot sinda.

Hukom 7:2

Nagtaram an Kagurangnan ki Gideon, “Dakul nin marahay para sako an saimong mga tawohan tanganing tawan ko sinda nin kapangganahan laban sa mga Midianita. Tibaad isipon nindang nanggana sinda huli sa sainda man sana, asin bakong huli sa tabang ko.

1 Samuel 2:7

An iba saiyang pinapangagin dukha, an iba mayaman; an iba saiyang ibinababa, an iba ilinalangkaw.

1 Samuel 30:23

Alagad nagsimbag si David, “Mga tugang ko, dai nindo iyan paggibohon sa itinao sato nin Kagurangnan! Ilinikay niya kita sa pag-alaman asin itinao sa satong mga kamot an mga parasalakay.