Deuteronomio 8:15 - Marahay na Bareta Biblia

¹⁵ Pinangenotan niya kamo sa saindong pagbaklay sa mahiwas asin makatakot na kalangtadan na may mararang mga halas asin uyang. Duman sa alang asin daing tubig na daga, pinabulos niya para saindo an tubig hale sa matagas na gapo.

Deuteronomio 8:15 ပူးပေါင်းရင်းမြစ်များ

Salmo 105:41

Binuksan niya an sarong gapo, asin nagbulos an tubig, garo salog na nagbulos sa desyerto.

Salmo 114:8

na ginigibong sapa an gapo, asin an mga ampas ginigibong burabod.

Salmo 136:16

An saiyang banwaan pinangenotan niya sa kalangtadan; an saiyang pagkamoot mayo nin kataposan.

Isaias 30:6

Iyo ini an mensahe nin Dios dapit sa mga hayop kan kalangtadan sa habagat: “An mga sugo naglakaw sa daga na pano nin pag-alaman, saen nag-eerok an mga leon asin saen igwa nin makamandag na mga halas saka naglalayog na mga dragon. Kinakargahan ninda an likod kan saindang mga asno saka mga kamelyo nin mahahalagang mga regalo para sa sarong nasyon na dai makakatao sainda nin tabang.

Isaias 35:7

magigin sarong sapa an mainit na baybay, asin mapapano nin mga burabod an mamarang daga. Sa dating pinag-eerokan kan lalaw na mga ayam, matalubo an mga bariw saka doot sa katiboan.

Isaias 43:19

Magmasid kamo para sa bagong bagay na gigibohon ko. Nangyayari na ini—nahihiling na nindo ini ngunyan! Magibo ako nin sarong dalan sa kalangtadan asin tatawan ko kamo nin mga burabod nin tubig duman.

Jeremias 2:6

Dai ninda ako nagiromdoman maski ako an nagluwas sainda hale sa Egipto saka nangenot sainda sa kalangtadan: sarong daga nin mga desyerto asin mga kalot, sarong dagang alang saka pano nin pag-alaman, na mayo nin tawong nag-eerok saka nag-aagi.

Oseas 13:5

Ako an nag-ataman saindo sa mamarang daga sa kalangtadan.

Mga Bilang 20:11

Pakasabi kaini, itinaas ni Moises an sugkod dangan binadolan nin duwang beses an gapo. Luminuwas an kadakul na tubig; nag-inom an gabos na tawo saka hayop.

Mga Bilang 21:6

Huli kaini, nagpadara an Kagurangnan nin mga mararang halas asin siningot kan mga ini an mga tawo kaya dakul sa sainda an nagadan.

1 Corinto 10:4

asin nag-inom kan parehong inomon na espiritwal. Nag-inom sinda hale sa Gapong espiritwal na nag-iba sainda, asin an Gapong idto iyo si Cristo.

Deuteronomio 1:19

“Sinunod ta an pagboot nin Kagurangnan na satong Dios. Naghale kita sa Bukid nin Sinai asin naglakaw sa mahiwas asin makatakot na desyerto pasiring sa mabulod na daga kan mga Amoreo. Kan nakaabot kita sa Kades-barnea,

Deuteronomio 32:13

“Pinapaghade niya sinda sa kabubuldan, kinakan ninda an mga bunga kan kaomahan. Nakakua sinda nin dugos sa kagapoan; sa magapong daga, saindang mga oliba nagkaburuhay.