Deuteronomio 7:9 - Marahay na Bareta Biblia

⁹ Giromdoma na an Kagurangnan na saindong Dios iyo sana an Dios asin maimbod siya. Ootobon niya an saiyang tipan asin ipapahiling niya an saiyang danay na pagkamoot sa ribo-ribong henerasyon kan mga namomoot saiya saka nag-ootob kan saiyang mga togon,

Deuteronomio 7:9 ပူးပေါင်းရင်းမြစ်များ

Genesis 17:7

“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian.

Genesis 28:15

Giromdoma na iibahan asin aatamanon taka saen ka man magduman, asin ibabalik taka sa dagang ini. Dai taka babayaan sagkod na magibo ko an itinaram ko saimo.”

Genesis 9:15

magigiromdoman ko an sakong panuga saindo asin sa gabos na hayop; asin dai ko na nanggad raraoton an gabos na may buhay sa paagi nin sarong baha.

1 Mga Hade 8:23

asin namibi, “O Kagurangnan, Dios nin Israel, mayo nin Dios na arog saimo sa langit asin sa daga! Inootob mo an saimong tipan sa saimong banwaan asin ipinapahiling mo an danay mong pagkamoot sa mga sorogoon mong bilog na pusong nagkukuyog saimo.

1 Mga Cronica 16:15

An saiyang tipan ginigiromdom niya sagkod pa man, an saiyang pagboot para sa rinibong henerasyon;

2 Mga Cronica 6:14

Namibi siya, “Kagurangnan, Dios nin Israel, mayo nin Dios na arog saimo sa langit asin sa daga. Inootob mo an saimong tipan sa saimong banwaan asin ipinapahiling mo an danay mong pagkamoot sa mga sorogoon mong bilog na pusong nagkukuyog saimo.

Nehemias 1:5

“O Kagurangnan, Dios nin langit, dakula saka ginagalangan na Dios na maimbod na nag-ootob kan tipan asin danay na namomoot sa mga namomoot saimo saka nagkukuyog kan saimong mga togon;

Nehemias 9:32

“O Dios, samuyang Dios, dakula kang gayo, makangirhat asin mapangyari! Inootob mo an tipan asin ipinapahiling mo an danay na pagkamoot. Dai mo man logod ibilang na kadikit sanang kasakitan an nag-abot samuya, poon kan apihon kami kan mga hade nin Asiria asin sagkod ngunyan; mga kasakitan na nag-abot sa samuyang mga hade, mga lider, mga padi, asin mga propeta, sa samuyang mga ginikanan asin sa bilog na banwaan.

Salmo 103:18

sa mga minaotob kan saiyang tipan asin maimbod na naggigiromdom kan saiyang mga togon.

Salmo 105:8

An saiyang tipan ginigiromdom niya sagkod pa man, an saiyang panuga para sa rinibong henerasyon;

Salmo 119:75

Aram kong matanos an saimong mga hatol, Kagurangnan, asin sa kaimbodan ako saimong pinadusahan.

Salmo 146:6

Sa Dios na Kaglalang kan langit asin daga, kan dagat asin kan gabos na yaon sa mga ini. Danay niyang inootob an saiyang mga panuga;

Salmo 36:6

Arog sa kabukidan nin Dios an saimong katanosan; an saimong mga paghukom arog sa dakulang kairaroman. Tawo asin hayop saimong inaataman.

Exodo 20:6

Alagad ipinapahiling ko an danay kong pagkamoot sa rinibong henerasyon kan mga namomoot sako asin nag-ootob kan sakong mga togon.

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Jeremias 32:18

Nagpahiling ka nin danay na pagkamoot sa rinibong tawo, alagad pinadusahan mo an mga aki huli kan kasalan kan saindang mga magurang. O dakula asin mapangyaring Dios, na an ngaran Kagurangnan nin mga hukbo,

Mga Panambitan 3:23

danay na bago iyan siring sa kaagahon, masasarigan siring sa pagsirang kan aldaw.

Daniel 9:4

Namibi ako sa Kagurangnan na sakong Dios asin itinuga ko an mga kasalan kan sakong mga kahimanwa. Nagsabi ako, “Kagurangnan Dios, dakula ka asin ginagalangan mi ika. Maimbod ka sa saimong tipan asin ipinapahiling mo an danay mong pagkamoot sa mga namomoot saimo saka nag-ootob kan saimong katogonan.

Mga Bilang 14:18

‘Ako, an Kagurangnan, dai tolos naaanggot saka dakula sa pagkamoot, nagpapatawad kan kasalan patin kasombikalan. Alagad papadusahan ko an mga aki asin makoapo sagkod sa ikatolo patin ikaapat na henerasyon huli kan mga kasalan kan saindang mga magurang.’

Roma 8:28

Aram ta na sa gabos na bagay an Dios naggigibo para sa karahayan kan mga namomoot saiya—an mga inaapod niya sosog sa saiyang katuyohan.

1 Corinto 1:9

Maimbod an Dios—an Dios na nag-apod saindo na makisumaro sa saiyang Aking si Jesu-Cristo na Kagurangnan ta.

1 Corinto 10:3

Nagkakan sinda gabos kan parehong kakanon na espiritwal,

1 Corinto 8:3

Alagad an tawong namomoot sa Dios midbid nin Dios.

2 Corinto 1:18

Siring na an itinataram nin Dios totoo, an pangako ko bakong “Iyo” o “Dai.”

Deuteronomio 32:39

“‘Ako, asin ako sana, an Dios; mayo na nin ibang totoong dios. Nakakagadan ako saka nakakabuhay; nakakalugad saka nakakapaomay, asin mayong makakaolang sa gigibohon ko.

Deuteronomio 32:4

“An Kagurangnan an saindong paraligtas, sa gabos niyang gibo, matanos asin mayong kakulangan. Dios na maimbod asin mayong karatan; matanos siya asin banal.

Deuteronomio 4:35

Ipinahiling ini nin Kagurangnan saindo tanganing patotoohan saindo na siya sana an Dios asin mayo nang iba.

Deuteronomio 4:39

Kaya giromdoma nindo ngunyan asin dai nanggad nindo paglingawan na an Kagurangnan iyo an Dios sa langit asin sa daga; mayo na nin ibang dios.

Deuteronomio 5:10

Alagad ipinapahiling ko an danay kong pagkamoot sa ribo-ribong henerasyon kan mga namomoot sa sako asin nag-ootob kan sakong mga togon.

1 Tesalonica 5:24

Siya na nag-aapod saindo an magibo kaiyan, huli ta siya maimbod.

2 Tesalonica 3:3

Alagad maimbod an Kagurangnan. Papakosogon niya kamo saka ililikay sa Maraot.

2 Timoteo 2:13

kun kita bakong maimbod, siya nagdadanay na maimbod, huli ta dai siya makakanegar sa sadiri niya.”

Tito 1:2

basado sa paglaom tang magkaigwa nin buhay na daing kataposan. An Dios, na dai nagpuputik, nanuga sato kan buhay na iyan bago pa lalangon an kinaban.

Hebreyo 10:23

Magdanay kitang masarig sa paglaom na ipinapahayag ta, huli ta mapapaniwalaan nyato an Dios na maotob kan saiyang panuga.

Hebreyo 11:11

Huli sa pagtubod ni Abraham, nangidam si Sara maski gurang na ini nin marahay. Nanarig si Abraham na ootobon nin Dios an saiyang panuga.

Hebreyo 6:18

Kaya an sumpa saka an panuga iyo an duwang bagay na dai maliliwat, asin dapit kaini an Dios dai nanggad magpuputik. Kaya kita na nakakua saiya nin pailihan, minakosog an boot na magsarig sa paglaom na itinao niya sato.

Santiago 1:12

Paladan an tawong nagdadanay na maimbod sa panahon nin mga pagbalo, huli ta kun matagalan niya iyan, maako siya kan korona nin buhay na ipinanuga nin Dios sa mga namomoot saiya.

1 Juan 1:9

Alagad kun ikumpisal ta sa Dios an satong mga kasalan, lilinigan niya kita saka papatawadon; lilinigan kita kan gabos tang kasalan, huli ta maimbod siya asin matanos.

Hukom 2:1

Hale sa Gilgal, an anghel nin Kagurangnan nagduman sa Bokhim asin nagsabi sa mga Israelita, “Ilinuwas ko kamo hale sa Egipto asin dinara sa dagang ipinanuga ko sa saindong mga ginikanan. Nagtaram ako kaidto: ‘Dai ko tatalikodan an sakong tipan sa saindo.

Hukom 5:31

Magkagaradan logod, sa siring na paagi an gabos mong kaiwal, O Kagurangnan, alagad magliwanag logod an saimong mga katood siring sa minasirang na aldaw! Dangan nagkaigwa nin katoninongan sa daga sa laog nin kwarentang taon.