Deuteronomio 7:3 - Marahay na Bareta Biblia

³ Dai nindo pag-agomon an siisay man sainda asin dai kamo magtugot na agomon ninda an saindong mga aki,

Deuteronomio 7:3 ပူးပေါင်းရင်းမြစ်များ

Genesis 24:3

Isumpa mo sa ngaran nin Kagurangnan, an Dios kan langit asin daga, na an sakong aki dai mo ikukua nin agom na gikan sa Canaan na pinakikihimanwahan ko.

1 Mga Hade 11:2

Inagom niya an mga babaeng ini maski pinagbotan nin Kagurangnan an mga Israelita na dai makipag-agoman sa mga tawong ini, huli ta dadagkahon ninda an mga Israelita na maglingkod sa saindang mga dios-dios.

1 Mga Hade 16:31

Bako sanang nagkasala si Ahab arog ki Jeroboam, kundi inagom pa niya si Jezebel na aking babae ni Hadeng Etbaal nin Sidon dangan nagsamba siya ki Baal.

Esdras 10:3

Ngunyan kaipuhan na manuga kita sa satuyang Dios na papalayason nyato an mga babaeng ini asin an saindang mga aki. Gigibohon mi an pagboot mo asin kan gabos na nag-oomaw sa Dios. Gigibohon mi an hinahagad kan Katogonan nin Dios.

Esdras 9:12

Kaya dai nindo ipagpaagom an saindong mga aking babae sa mga aki ninda, asin an saindong mga aking lalaki dai nindo pagpaagomon sa mga aki ninda. Dai nindo sinda pagtabangan na mag-uswag tanganing kumosog kamo saka magkakan kan bunga kan daga dangan ikapamana nindo iyan sa saindong mga aki sagkod pa man.’

Nehemias 10:30

Dai kami makikipag-agoman sa mga dayuhan na nag-eerok sa samong daga.

Hukom 14:3

Naghapot an saiyang ama asin ina, “Mayo ka nang nakuang daraga sa satong pamilya o sa satong kamaganakan, kaya kaipuhan ka pang magduman sa mga bakong sirkomsisyonadong Filisteo tanganing magkua nin maaagom?” Alagad nagsimbag si Samson sa saiyang ama, “Siya an gusto ko kaya kuahon nindo siya para sako.”