Deuteronomio 7:26 - Marahay na Bareta Biblia

²⁶ Dai nindo pagdarahon sa saindong harong an arin man sa mga dios-dios na iyan, tanganing dai kamo mamaldisyon arog kan mga iyan. Kaongisan nindo an mga ladawan na iyan huli ta minaldisyon sinda nin Kagurangnan.

Deuteronomio 7:26 ပူးပေါင်းရင်းမြစ်များ

Isaias 2:20

Sa aldaw na iyan, an saindang mga dios na plata saka bulawan itatapok kan katawohan sa mga kino saka mga paniki, mga dios na saindang ginibo tanganing sambahon.

Isaias 30:22

Dangan kukuahon nindo an saindong mga dios-dios na pinatos sa plata saka bulawan, asin itatapok nindo iyan arog sa mga maating bagay dangan makurahaw kamo, “Hale kamo!”

Isaias 41:24

Kamo asin an gabos nindong gibo mayo nin halaga; makauuyam an mga nagsasamba saindo!

Ezekiel 11:18

Pagbalik ninda, kaipuhan haleon ninda an mga maati saka makauuyam na mga dios-dios na saindang nakua.

Ezekiel 14:7

“Kun an saro sa mga Israelita o sa mga dayuhan na nag-eerok sa Israel an magtalikod sako, magdusay kan saiyang puso sa mga dios-dios, asin magtugot sa mga ini na darahon siya sa kasalan, dangan makihumapot sa sarong propeta, ako, an Kagurangnan, an masimbag saiya!

Oseas 14:8

An banwaan nin Israel dai na nanggad magsasamba sa mga dios-dios; sisimbagon ko an saindang mga pamibi asin aatamanon ko sinda. Arog sa sarong marambong na kahoy lilindongan ko sinda; ako an gigikanan kan gabos nindang biyaya.”

Zacarias 5:4

Nagtataram an Kagurangnan nin mga hukbo na papaluwason niya an maldisyon na ini, asin malaog iyan sa harong kan lambang mahabon asin lambang parasaksi nin putik; maontok iyan sa saindang mga harong dangan mahale kun gaba na an mga harong.”

Roma 2:22

Nagsasabi kang, “Dai ka magdorog sa bako mong agom” alagad ika, dai ka nakikidorog sa bako mong agom? Nauuyam ka sa mga dios-dios, alagad tadaw ta pinaghahabonan mo an mga templo?

Deuteronomio 13:16

Darahon nindo asin tambakon sa plasa an gabos na pagsadiri kan mga tawo na nag-eerok duman, dangan suloon nindo an banwa na iyan asin an gabos na yaon duman bilang sarong tinutong na atang sa Kagurangnan na saindong Dios. Papabayaan na rumpag an banwa asin dai na papatindogon giraray sagkod lamang.

Deuteronomio 13:17

Dai kamo magtago nin ano man na pinagkondenar na raoton, tanganing dai maanggot kundi maherak saindo an Kagurangnan. Maheherak siya saindo asin papadakulon niya kamo siring sa panuga niya sa saindong mga ginikanan,

Deuteronomio 13:18

kun kuyogon nindo an saiyang mga togon na ipinagboot ko saindo ngunyan na aldaw, asin gibohon nindo an matanos sa atubang nin Kagurangnan na saindong Dios.