Deuteronomio 7:25 - Marahay na Bareta Biblia

²⁵ Suloon nindo an saindang mga dios-dios. Dai nindo pagmawoton asin pagsadirihon an mga plata o bulawan na yaon sa mga ladawan na iyan, huli ta iyan an makakasiod sa saindo; ikinakaanggot nin Kagurangnan an pagsamba sa mga dios-dios.

Deuteronomio 7:25 ပူးပေါင်းရင်းမြစ်များ

2 Mga Hade 23:14

Ipinaronot ni Hadeng Josias an mga gapong harigi, ipinapalod an mga tanda kan diosa na si Asera, asin an dating namugtakan kan mga ini pinatambakan niya kan mga tolang nin tawo.

1 Mga Cronica 14:12

Kan magdurulag an mga Filisteo, nagkawaralat an saindang mga dios-dios, kaya nagboot si David na suloon an mga ini.

Exodo 20:17

“Dai kamo maara sa harong kan ibang tawo; dai kamo maara sa saiyang agom, sa saiyang mga oripon, asin sa saiyang mga baka, mga asno o sa ano man na pagsadiri niya.”

Exodo 32:20

Kinua niya an baka na ginibo kan mga tawo, tinunaw sa kalayo, pinulbos, sinalakan nin tubig dangan ipinainom sa mga Israelita.

Exodo 8:26

“Bakong tama na gibohon mi iyan,” an simbag ni Moises, “huli ta maaanggot an mga Egipcio sa gigibohon ming pagdolot nin mga hayop sa Kagurangnan na samong Dios. Kun digdi kami magdolot asin mahiling kami kan mga Egipcio, dai daw ninda kami gapoon?

Isaias 30:22

Dangan kukuahon nindo an saindong mga dios-dios na pinatos sa plata saka bulawan, asin itatapok nindo iyan arog sa mga maating bagay dangan makurahaw kamo, “Hale kamo!”

Isaias 41:24

Kamo asin an gabos nindong gibo mayo nin halaga; makauuyam an mga nagsasamba saindo!

Levitico 13:52

Kaya susuloon niya an gubing o anit huli ta iyan alamag na madaling maglakop na dapat suloon.

Levitico 19:4

“Dai kamo magtalikod sako asin magsamba sa mga ladawan; dai kamo maggibo nin mga dios-dios na gibo sa metal dangan magsamba sainda. Ako an Kagurangnan na saindong Dios.

Sofonias 1:3

an mga tawo saka mga hayop, an mga gamgam asin mga sira. Ibabagsak ko an gabos na tampalasan. Pupuhoon ko an katawohan digdi sa daga. Ako, an Kagurangnan, an nagtaram.

Deuteronomio 12:3

Gabaon nindo an saindang mga altar asin ronoton an saindang mga banal na hariging gapo. Suloon nindo an mga simbolo kan saindang diosang si Asera asin patokon nindo an saindang mga dios-dios tanganing dai na nanggad pagsambahon an mga iyan sa mga lugar na idto.

Deuteronomio 13:16

Darahon nindo asin tambakon sa plasa an gabos na pagsadiri kan mga tawo na nag-eerok duman, dangan suloon nindo an banwa na iyan asin an gabos na yaon duman bilang sarong tinutong na atang sa Kagurangnan na saindong Dios. Papabayaan na rumpag an banwa asin dai na papatindogon giraray sagkod lamang.

Deuteronomio 17:1

“Dai kamo magsakripisyo sa Kagurangnan na saindong Dios nin baka o karnero na igwa nin kaninan, huli ta ikinakaongis iyan nin Kagurangnan.

Deuteronomio 23:18

An kwartang kabayadan kan siring na karigsokan dai dapat pagdarahon sa templo nin Dios bilang pag-otob nin sarong panuga; ikinakaongis nin Kagurangnan an siring na mga tawo.

Deuteronomio 27:15

“‘Maldisyonon an siisay man na maggibo nin ladawan na gapo, kahoy o metal, asin hilom na magsamba kaiyan; ikinakaongis nin Kagurangnan an pagsamba sa mga dios-dios.’ “Dangan an bilog na banwaan masimbag, ‘Amen!’

Deuteronomio 7:16

Gadanon nindo an gabos na banwaan na itatao sa saindong kamot kan Kagurangnan na saindong Dios. Dai kamo maherak sainda asin dai kamo magsamba sa saindang mga dios-dios. Iyan an magigin siod para saindo.

Deuteronomio 7:5

Kaya gabaon nindo an saindang mga altar, rumpagon an saindang mga hariging gapo, palodon an saindang mga simbolo kan saindang diosa na si Asera asin suloon nindo an gabos nindang ladawan.

Josue 7:1

Alagad dai nasunod an pagboot nin Kagurangnan sa Israel na dai magkua sa Jerico kan mga bagay na susuloon. Sarong lalaki na an ngaran Acan an naglapas kan pagboot na ini, kaya naanggot an Kagurangnan sa mga Israelita. (Si Acan iyo an aki ni Carmi asin makoapo ni Zabdi kan kamaganakan ni Zera kan tribu ni Juda.)

Josue 7:21

Sa mga bagay na samong nasamsam, may nahiling akong magayon na gubing na gibo sa Babilonia, mga duwang kilo nin plata asin sarong barang bulawan na sobra sa kabangang kilo an timbang. Nagustohan ko nin marahay an mga ini kaya kinua ko. Makukua nindo an mga iyan na nakalubong sa daga sa laog kan sakong tolda, na nasa irarom an plata.”

Kapahayagan 17:5

Sa angog niya nakasurat an sarong ngaran na an hilom na kahulogan: “Dakulang Babilonia, ina kan mga maraot na babae saka mga karompotan sa kinaban.”