Deuteronomio 7:24 - Marahay na Bareta Biblia

²⁴ An saindang mga hade itatao nin Kagurangnan sa saindong mga kamot. Gagadanon nindo sinda asin malilingawan na sinda. Mayo nin siisay man na makakapugol saindo; gagadanon nindo sinda gabos.

Deuteronomio 7:24 ပူးပေါင်းရင်းမြစ်များ

Salmo 9:5

Sinagwe mo an mga nasyon, rinonot mo an mga maraot; pinara mo an saindang ngaran sagkod lamang.

Exodo 17:14

Dangan nagtaram an Kagurangnan ki Moises, “Isurat mo an kapangganahan na ini tanganing dai malingawan. Sabihan mo si Josue na paparaon ko sa daga an mga Amalekita.”

Mga Talinhaga 10:7

An matanos ginigiromdom bilang bendisyon, alagad an maraot malilingawan.

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Jeremias 10:11

Sabihan nindo sinda na raraoton an mga dios-dios na bakong kaggibo kan daga saka langit. Mapapara sinda sa daga.)

Sofonias 1:4

“Papadusahan ko an mga namamanwaan sa Jerusalem asin sa Juda. Raraoton ko an natatadang tanda kan pagsamba ki Baal duman, asin mayo nang makakagiromdom kan mga paganong padi na naglilingkod saiya.

Roma 8:37

Dai! An gabos na ini madadaog ta huli ki Cristo, na namoot sato!

1 Corinto 15:57

Alagad salamat sa Dios na iyo an nagtatao sato nin kapangganahan huli ki Jesu-Cristo na satong Kagurangnan!

Deuteronomio 11:25

Saen man kamo magduman sa dagang idto, gigibohon nin Kagurangnan na saindong Dios na matakot saindo an mga tawo, siring sa ipinanuga niya, asin mayo nin siisay man na makakapugol saindo.

Deuteronomio 25:19

Kaya kun ligtas na kamo sa gabos nindong kaiwal na nag-eerok sa palibot nindo, asin itinao na saindo nin Kagurangnan na saindong Dios an dagang pamana, gadanon nindo an gabos na Amalekita tanganing mayo nang makagiromdom sainda. Dai nanggad kamo malingaw!

Deuteronomio 29:20

An siring na tawo dai nanggad papatawadon nin Kagurangnan; maglalaad laban sa saiya an bilog na kaanggotan saka pagkamaimon nin Kagurangnan, asin mapapasaiya an gabos na maldisyon na nasusurat sa librong ini, sagkod na mapara an saiyang ngaran sa ibabaw nin daga.

Deuteronomio 9:14

Hare ako pagpugola. Tutunawon ko sinda tanganing mayo nang makagiromdom sainda. Dangan ika an gigibohon kong ama nin sarong nasyon na mas dakula asin mapangyari ki sa sainda.’

Deuteronomio 9:3

Alagad ngunyan na aldaw mahihiling nindo na mangengenot saindo an Kagurangnan na saindong Dios siring sa sarong nakakatutong na kalayo. Sa pagdangadang nindo, dadaogon niya sinda tanganing madali nindo sindang mapahale asin magadan siring sa ipinanuga niya.

Josue 1:5

Josue, dai nin siisay man na makakadaog saimo sa bilog mong pagkabuhay. Iibahan taka siring na inibahan ko si Moises. Danay na iibahan taka; dai taka nanggad papabayaan.

Josue 10:23

Kaya binukasan ninda an lungib asin ilinuwas an mga hade kan Jerusalem, Hebron, Jarmut, Lakis saka Eglon

Josue 10:40

Sinakop ni Josue an bilog na daga. Nadaog niya an mga hade sa kabubuldan, sa mga tukadon sa parteng sirangan, sa mga kababan sa solnopan, asin sa habagat na parte kan Canaan. Mayo siyang ilinigtas; ginadan niya an gabos. Iyo ini an ipinagboot nin Kagurangnan na Dios nin Israel.

Josue 10:42

Dinaog ni Josue an mga hade duman asin sinakop an saindang mga teritoryo sa laog nin saro sanang pagsalakay, huli ta nakipaglaban para sa mga Israelita an Kagurangnan na Dios nin Israel.

Josue 10:8

Nagtaram an Kagurangnan ki Josue, “Dai ka matakot sainda. Itinao ko na saindo an kapangganahan. Maski siisay sainda dai nin magiginibo laban saimo.”

Josue 11:17

An teritoryo minapoon sa Bukid nin Halak sa habagat harani sa Edom, sagkod sa Baal-gad sa amihan, sa Kapantayan nin Lebanon sa habagat kan Bukid nin Hermon. Haloy na nakigera si Josue sa mga hade kan teritoryong idto, alagad nabihag niya sinda gabos asin saiyang ginadan.

Josue 12:24

asin Tirza—treynta y unong hade gabos.

Josue 21:44

Tinawan sinda nin Kagurangnan nin katoninongan sa bilog na daga, siring sa ipinanuga niya sa saindang mga ginikanan. Dai sinda nadaog kan arin man sa saindang mga kaiwal, huli ta pinapanggana sinda nin Kagurangnan.

Josue 23:3

Nahiling nindo an gabos na ginibo nin Kagurangnan na saindong Dios sa gabos na banwaan huli sa saindo. Siya an nakipaglaban para sa saindo.

Josue 23:9

Sa pagdangadang nindo, inalaw nin Kagurangnan an darakula saka mapangyaring mga nasyon, asin mayo pa nin siisay man na nakadaog saindo.

Josue 6:2

Tinaraman nin Kagurangnan si Josue, “Itinatao ko sa saimong mga kamot an Jerico kaiba an saiyang hade saka maiisog na mga soldados.