Deuteronomio 7:23 - Marahay na Bareta Biblia

²³ Itatao saindo nin Kagurangnan an saindong mga kaiwal asin tatawan niya sinda nin makuring takot sagkod na sinda magadan.

Deuteronomio 7:23 ပူးပေါင်းရင်းမြစ်များ

Exodo 23:27

“Gigibohon ko na matakot sako an mga tawo na makontra sa saindo. Riribongon ko an mga banwaan na lalabanan nindo dangan masibog sinda saka madulag.

Isaias 13:6

Pagkurahaw sa kulog, huli ta harani na an aldaw nin Kagurangnan, an aldaw na raraoton nin Kagurangnan an Babilon!

Jeremias 17:18

Sopogon mo an mga nagpapasakit sako, alagad iligtas mo ako, Kagurangnan. Raoton mo sinda, alagad dai mo ako pagtakoton. Darahan mo sinda nin kasakitan, asin ronoton mo sinda.

Joel 1:15

Harani na an aldaw nin Kagurangnan, an aldaw na manraraot an Makakamhan. Mangirhat na gayo an aldaw na iyan!

Deuteronomio 2:15

Kinalaban sinda nin Kagurangnan sagkod na magadan sinda gabos.

Deuteronomio 31:5

Itatao sinda nin Kagurangnan saindo, asin gibohon nanggad nindo sainda an gabos na sinabi ko saindo.

Deuteronomio 8:20

Kun dai kamo magkuyog sa Kagurangnan, magagadan man kamo arog kan mga nasyon na saiyang roronoton sa pagdangadang nindo.

Deuteronomio 9:3

Alagad ngunyan na aldaw mahihiling nindo na mangengenot saindo an Kagurangnan na saindong Dios siring sa sarong nakakatutong na kalayo. Sa pagdangadang nindo, dadaogon niya sinda tanganing madali nindo sindang mapahale asin magadan siring sa ipinanuga niya.

2 Tesalonica 1:9

Papadusahan sinda nin kapahamakan na mayong kataposan, hahaleon sa atubang nin Kagurangnan asin sa saiyang mamurawayon na kapangyarihan.

Josue 10:10

Ginibo nin Kagurangnan na magkatarakot an mga Amoreo pagkahiling sa hukbo nin Israel. Ginaradan sinda kan mga Israelita duman sa Gibeon asin linamag sinda sa dalan na paibaba kan Bet-horon sagkod sa Azeka asin Makkeda.

Hukom 4:15

asin kan salakayon ninda an kampo ni Sisera, linibong nin Kagurangnan si Sisera sagkod an saiyang mga tawohan. Naglusad si Sisera sa saiyang karwahe asin nagdadalagan na nagdulag.