Deuteronomio 7:2 - Marahay na Bareta Biblia

² Kun itao na sinda nin Kagurangnan sa saindong kamot asin madaog na nindo sinda, kaipuhan gadanon nindo sinda gabos. Dai kamo makipagtipan sainda, asin dai kamo maherak sainda.

Deuteronomio 7:2 ပူးပေါင်းရင်းမြစ်များ

Genesis 14:20

Pag-omawon logod an Kahorohalangkaweng Dios na nagtao saimo nin kapangganahan laban sa saimong mga kaiwal!” Dangan tinawan ni Abram si Melkizedek kan ikasampolong parte kan gabos na sinamsam.

2 Samuel 21:2

(Bako man sindang mga Israelita kundi sarong sadit na grupo nin mga Amoreo na pinanugaan kan mga Israelita na aatamanon, alagad boot sindang gadanon ni Saul huli kan saiyang pagmakulog sa banwaan nin Israel asin Juda.)

1 Mga Hade 20:34

Nagsabi saiya si Ben-hadad, “Ibabalik ko saimo an mga syudad na kinua kan sakong ama sa saimong ama. Pwede kang magpatindog nin mga tindahan sa Damasco, arog kan ginibo kan sakong ama sa Samaria.” Nagsimbag si Ahab, “Sa siring na mga kondisyon, tatalingkasan taka.” Nakipagtipan si Ahab ki Ben-hadad dangan pinahale na niya.

Esdras 10:3

Ngunyan kaipuhan na manuga kita sa satuyang Dios na papalayason nyato an mga babaeng ini asin an saindang mga aki. Gigibohon mi an pagboot mo asin kan gabos na nag-oomaw sa Dios. Gigibohon mi an hinahagad kan Katogonan nin Dios.

Salmo 106:34

Dai ninda rinonot an mga banwaan, siring sa ipinagboot sainda nin Kagurangnan;

Exodo 22:20

“Dapat gadanon an siisay man na mag-atang sa arin man na dios-dios, huli ta ako sana, an Kagurangnan, an dapat dolotan nin atang.

Mga Bilang 21:2

Dangan nanuga an mga Israelita sa Kagurangnan: “Kun itutugot mong madaog mi an mga tawong iyan, tutunawon mi sinda sagkod an saindang mga syudad.”

Mga Bilang 31:17

Kaya gadanon nindo ngunyan an mga aking lalaki saka an mga babaeng nadorogan na.

Mga Bilang 33:52

pahaleon nanggad nindo an gabos na nag-eerok sa daga. Raoton nindo an gabos nindang ladawan na gibo sa gapo saka sa metal. Gabaon man nindo an gabos nindang lugar na pinagsasambahan.

Deuteronomio 13:8

dai kamo magdangog saka magtubod saiya. Dai kamo maherak saiya; dai nindo siya pagtagoon o buhayon.

Deuteronomio 13:9

Gadanon nindo siya! Pangenotan nindo an paggapo saiya, dangan pabayaan nindong gapoon siya kan gabos.

Deuteronomio 19:13

Dai kamo maherak saiya. Linigan nindo an Israel kan paragadan na ini, tanganing an gabos magin marahay para saindo.

Deuteronomio 2:33

Alagad itinao siya nin Kagurangnan sa satong mga kamot, asin ginadan ta siya, an saiyang mga aki sagkod an gabos niyang tawohan.

Deuteronomio 2:34

Satuyang sinakop saka rinaot an gabos na banwa; ginadan ta an gabos na lalaki, babae sagkod mga aki. Mayo kitang binuhay maski saro.

Deuteronomio 23:14

Linigan nindo an saindong kampo huli ta kaiba nindo diyan an Kagurangnan na saindong Dios sa pagligtas saindo asin sa pagtao saindo nin kapangganahan laban sa saindong mga kaiwal. Dai kamo maggibo nin ano man na kadustaan tanganing dai kamo bayaan nin Kagurangnan.

Deuteronomio 25:12

puputolan nin kamot an babaeng iyan; dai kamo maherak saiya.

Deuteronomio 3:3

“Kaya itinao man nin Kagurangnan sa satong mga kamot si Hadeng Og asin an saiyang mga tawohan; ginadan ta sinda gabos.

Deuteronomio 31:5

Itatao sinda nin Kagurangnan saindo, asin gibohon nanggad nindo sainda an gabos na sinabi ko saindo.

Deuteronomio 33:27

An daing tapos na Dios an saindong erokan; an saiyang mga kamot an saindong kakosogan. Inalaw niya an kaiwal sa saindong pagdangadang, asin nagtaram siya na sa saindong kamot sinda magagadan.

Deuteronomio 7:16

Gadanon nindo an gabos na banwaan na itatao sa saindong kamot kan Kagurangnan na saindong Dios. Dai kamo maherak sainda asin dai kamo magsamba sa saindang mga dios-dios. Iyan an magigin siod para saindo.

Deuteronomio 9:3

Alagad ngunyan na aldaw mahihiling nindo na mangengenot saindo an Kagurangnan na saindong Dios siring sa sarong nakakatutong na kalayo. Sa pagdangadang nindo, dadaogon niya sinda tanganing madali nindo sindang mapahale asin magadan siring sa ipinanuga niya.

Josue 10:28

Kan aldaw na idto, sinalakay asin sinakop ni Josue an Makkeda asin an hade duman. Ginadan niya an gabos na nasa syudad; mayo siyang itinadang buhay. Ginibo niya sa hade kan Makkeda an ginibo niya sa hade kan Jerico.

Josue 10:30

Itinao man nin Kagurangnan sa mga Israelita an kapangganahan laban sa syudad asin sa hade duman. Ginadan ninda an gabos na yaon duman asin mayo sindang itinadang buhay. Ginibo ninda sa hade kan Libna an ginibo ninda sa hade kan Jerico.

Josue 10:32

Itinao nin Kagurangnan sa mga Israelita an kapangganahan laban sa Lakis sa ikaduwang aldaw kan ralaban. Ginaradan man kan mga Israelita an mga tawo duman siring kan ginibo ninda sa Libna.

Josue 10:40

Sinakop ni Josue an bilog na daga. Nadaog niya an mga hade sa kabubuldan, sa mga tukadon sa parteng sirangan, sa mga kababan sa solnopan, asin sa habagat na parte kan Canaan. Mayo siyang ilinigtas; ginadan niya an gabos. Iyo ini an ipinagboot nin Kagurangnan na Dios nin Israel.

Josue 10:42

Dinaog ni Josue an mga hade duman asin sinakop an saindang mga teritoryo sa laog nin saro sanang pagsalakay, huli ta nakipaglaban para sa mga Israelita an Kagurangnan na Dios nin Israel.

Josue 11:8

Itinao nin Kagurangnan an kapangganahan sa mga Israelita; sinalakay ninda an mga kaiwal asin linamag sagkod sa Misrefot-maim saka Sidon sa parteng amihan, patin sagkod sa Kapantayan nin Mizpa sa sirangan. An ralaban nagpadagos sagkod na mayo na nin natadang buhay sa mga kaiwal.

Josue 2:14

Nagsabi saiya an mga lalaki, “Gadanon logod kami nin Dios kun dai mi gibohon an samong sinasabi. Kun dai ka mag-osip sa kiisay man kan samong ginigibo, nanunuga kami, na magigin marahay an pagtratar mi saimo kun itao na samo nin Kagurangnan an dagang ini.”

Josue 21:44

Tinawan sinda nin Kagurangnan nin katoninongan sa bilog na daga, siring sa ipinanuga niya sa saindang mga ginikanan. Dai sinda nadaog kan arin man sa saindang mga kaiwal, huli ta pinapanggana sinda nin Kagurangnan.

Josue 8:24

Ginaradan kan mga Israelita an gabos na kaiwal duman sa kalangtadan na pinaglamagan sainda. Dangan nagbalik sinda sa Ai asin ginaradan an mga tawo duman.

Josue 9:24

Nagsimbag sinda, “Ginibo mi idto huli ta naaraman mi na totoong ipinagboot nin Kagurangnan, na saindong Dios, sa sorogoon niyang si Moises na itao saindo an bilog na daga asin gadanon an mga tawong nag-eerok diyan. Ginibo mi idto huli ta natatakot kami na tibaad gadanon nindo kami.

Josue 9:7

Alagad nagsimbag an mga kalalakihan nin Israel, “Tano ta makikipagtipan kami saindo? Tibaad harani man sana an pinag-eerokan nindo.”

Hukom 1:24

na nakahiling nin sarong lalaki na nagluwas sa syudad, asin sinabihan ninda, “Itukdo mo samo kun paano kami makakalaog sa syudad asin dai mi ika kukulogan.”

Hukom 1:4

asin Juda. Pinapanggana sinda nin Kagurangnan laban sa mga Cananeo asin sa mga Perezeo; dinaog ninda an sampolong ribong kalalakihan duman sa Bezek.

Hukom 2:2

Dai kamo makipagtipan sa mga tawong nag-eerok sa dagang ini. Gabaon nindo an saindang mga altar.’ Alagad ano ining ginibo nindo? Dai nindo kinuyog an sakong pagboot!