Deuteronomio 7:19 - Marahay na Bareta Biblia

¹⁹ Nahiling nindo an mga makangirhat na peste, mga tanda saka mga ngangalasan; an dakulang kapangyarihan asin kosog na ginamit nin Kagurangnan na saindong Dios sa pagligtas saindo. Arog man kaiyan an saiyang gigibohon sa mga banwaan na natatakotan nindo.

Deuteronomio 7:19 ပူးပေါင်းရင်းမြစ်များ

Salmo 136:12

huli kan saiyang makosog na kamot, asin mapangyaring takyag; an saiyang pagkamoot mayo nin kataposan.

Salmo 44:4

Ika an sakuyang hade asin sakuyang Dios; ika an nagtatao nin kapangganahan ki Jacob.

Salmo 77:12

Iisipon ko an gabos mong gibo; hohorophoropon ko an dakulang mga bagay na ginibo mo.

Exodo 6:6

Kaya sabihan mo an mga Israelita, ‘Ako an Kagurangnan; hahaleon asin papatalingkason ko kamo sa pang-ooripon kan mga Egipcio. Uunaton ko an sakong kamot tanganing padusahan sinda nin makuri asin ililigtas ko kamo.

Deuteronomio 29:3

Nahiling nindo an mga makatakot na peste, an mga tanda saka mga ngangalasan na ginibo niya;

Deuteronomio 3:21

“Dangan sinabihan ko si Josue: ‘Nahiling mo an ginibo nin Kagurangnan na saimong Dios sa duwang hadeng si Sihon asin si Og; arog man kaiyan an saiyang gigibohon sa kiisay man na kagsadiri kan daga na saimong sasalakayon.

Deuteronomio 4:34

Igwa daw nin dios na nangahas na magduman asin magkua nin sarong banwaan hale sa ibang nasyon dangan gibohon na saiyang sadiri, arog kan ginibo saindo nin Kagurangnan na saindong Dios duman sa Egipto? Sa atubang nindo, ginamit niya an saiyang kosog asin kapangyarihan huli sa mga helang saka gera, sa mga tanda sagkod ngangalasan patin sa mga mangirhat na bagay.

Josue 10:25

Nagsabi si Josue sa mga opisyal, “Dai kamo matakot o manluya. Magmakosog kamo asin magmaisog huli ta arog kaiyan an gigibohon nin Kagurangnan sa gabos nindong kaiwal.”

Josue 24:17

An Kagurangnan na satong Dios iyo an nagligtas samo asin sa samuyang mga magurang sa kaoripnan duman sa Egipto. Nahiling mi an mga ngangalasan na ginibo niya. Inataman niya kami sa gabos na banwaan na samong inagihan.

Josue 3:10

Sa pagdangadang nindo, aalawon niya paluwas sa daga an mga Cananeo, Heteo, Heveo, Perezeo, Gergeseo, Amoreo asin Jebuseo. Saindong maaaraman na yaon sa tahaw nindo an buhay na Dios,