Deuteronomio 7:18 - Marahay na Bareta Biblia

¹⁸ Dai kamo matakot sa sainda; giromdomon nindo an ginibo nin Kagurangnan na saindong Dios sa hade asin sa bilog na Egipto.

Deuteronomio 7:18 ပူးပေါင်းရင်းမြစ်များ

Salmo 105:5

Kamong kapagarakian ni Abraham na sorogoon nin Dios; kamong kapagarakian ni Jacob na saiyang pinili; giromdomon nindo an mga ginibo niyang ngangalasan, an mga milagro, asin an mga itinaram niyang mga sentensya.

Salmo 77:11

Gigiromdomon ko an mga gibo nin Kagurangnan; gigiromdomon ko an saimong mga ngangalasan kaidto.

Salmo 77:12

Iisipon ko an gabos mong gibo; hohorophoropon ko an dakulang mga bagay na ginibo mo.

Salmo 78:11

Nalingawan ninda an saiyang mga ginibo, an mga milagro na ipinahiling niya sainda.

Mga Bilang 21:34

Nagtaram an Kagurangnan ki Moises, “Dai ka matakot saiya. Itatao ko siya saimo, an gabos niyang mga tawohan sagkod an bilog niyang daga. Giboha saiya an ginibo mo ki Sihon na hade kan mga Amoreo, na nag-erok sa Hesbon.”

Deuteronomio 1:21

Hilinga nindo an daga; lakaw kamo asin sakopon nindo siring sa ipinagboot niya. Dai kamo magduwa-duwa o matakot.’

Deuteronomio 1:29

“Alagad sinabihan ko kamo, ‘Dai kamo matakot sainda.

Deuteronomio 1:30

An Kagurangnan na saindong Dios an mangengenot saindo asin makikilaban para saindo, arog kan nahiling nindong ginibo niya sa Egipto

Deuteronomio 20:1

“Kun magluwas kamo sa pakigera sa saindong mga kaiwal, asin mahiling nindo na mas dakul ki sa saindo an saindang mga kabayo, karwahe asin hukbo, dai kamo matakot sa sainda; kaibahan nindo an Kagurangnan na saindong Dios na nagluwas saindo hale sa Egipto.

Deuteronomio 3:6

Rinaot ta ini gabos saka ginadan an gabos na lalaki, babae sagkod aki, arog kan ginibo ta sa mga banwa na sadiri ni Hadeng Sihon kan Hesbon.

Deuteronomio 31:5

Itatao sinda nin Kagurangnan saindo, asin gibohon nanggad nindo sainda an gabos na sinabi ko saindo.

Deuteronomio 31:6

Magmaisog kamo saka pakosogon nindo an saindong boot. Dai kamo matakot sainda; huli ta iibahan kamo nin Kagurangnan na saindong Dios; dai niya kamo papabayaan.”

Josue 8:1

Tinaraman nin Kagurangnan si Josue, “Darahon mo an gabos mong soldados asin magduman kamo sa Ai. Dai kamo matakot o manluya. Tatawan ko kamo nin kapangganahan laban sa hade kan Ai; mapapasaindo an saiyang mga nasasakopan, syudad asin daga.

Hukom 6:13

Nagsabi si Gideon, “Kun pwedeng maghapot, kagurangnan, tano ta nangyayari sa samo an gabos na ini kun totoong yaon an Kagurangnan sa samo? Ano na an nangyari sa makangalas na mga bagay na inosip samo kan samong mga magurang manongod sa mga ginibo nin Kagurangnan—kun paano niya sinda ilinigtas sa Egipto? Ngunyan pinabayaan na kami nin Kagurangnan asin itinao sa kamot kan mga Midianita.”