Deuteronomio 7:17 - Marahay na Bareta Biblia

¹⁷ “Dai kamo mag-isip na mas dakul ki sa saindo an mga banwaan na iyan kaya dai nindo sinda mapapahale.

Deuteronomio 7:17 ပူးပေါင်းရင်းမြစ်များ

Isaias 14:13

Boot mo kaidtong maabot an langit asin ikabugtak an saimong trono sa itaas kan pinakahalangkaw na mga bitoon. Naghohona kang magtutukaw ka siring sa sarong hade sa ibabaw kan bukid sa amihan saen nagtitiripon an mga dios.

Isaias 47:8

“Dangoga ini, ika na mamomoton sa kaogmahan, na naghohonang ligtas ka saka matoninong. Sinasabi mong arog ka kadakula sa Dios— na mayong makakaarog sa saimo. Naghona kang dai ka nanggad mababalo o magagadanan nin mga aki.

Isaias 49:21

Dangan magsasaboot kang, ‘Siisay an nangaki kan gabos na ini para sako? Nagkagaradan na an sakong mga aki asin dai na ako pwedeng mangaki. Itinapok ako asin isinubol sa harayo— siisay an nagpadakula kan kaakian na ini? Ako na sana an natada— saen naghale an mga aki na ini?’”

Jeremias 13:22

Kun maghapot ka kun tadaw ta nangyari ini saimo—kun tadaw ta ginirisi an saimong gubing asin linupigan ka—ini huli kan magabat mong kasalan.

Mga Bilang 13:32

Kaya pinalakop ninda sa mga Israelita an salang bareta manongod sa dagang siniyasat ninda. Olay ninda, “Hinahalon kan dagang siniyasat mi an mga nag-eerok duman. Haralangkaw an gabos na tawo na nahiling mi.

Mga Bilang 21:34

Nagtaram an Kagurangnan ki Moises, “Dai ka matakot saiya. Itatao ko siya saimo, an gabos niyang mga tawohan sagkod an bilog niyang daga. Giboha saiya an ginibo mo ki Sihon na hade kan mga Amoreo, na nag-erok sa Hesbon.”

Mga Bilang 33:53

Sakopon nindo an daga asin erokan nindo, huli ta itinatao ko iyan saindo bilang pagsadiri.

Lukas 9:47

Aram ni Jesus an pinag-iisip ninda, kaya kinabit niya an sarong aking sadit, pinatindog sa kataed niya,

Deuteronomio 1:28

Tano na magduman kita? Tinakot kita kan satuyang mga sinugo na nagsasabing darakula saka haralangkaw ki sa sato an mga tawo duman, asin nag-eerok sinda sa mga syudad na an kudal abot sa langit. Nakahiling sinda nin mga higante duman!’

Deuteronomio 15:9

Dai nindo siya pagsayumahan sa dahelan na harani na an taon nin pagpatawad kan mga utang. Dai nindo pagtugotan na makalaog sa saindong isip an siring karaot na kaisipan. Kun dai nindo siya pautangon, mareklamo siya sa Kagurangnan laban sa saindo asin makokondenar kamo.

Deuteronomio 18:21

“Siguro saindong iisipon kun paano nindo maaaraman na an mensahe kan propeta bakong hale sa Kagurangnan.

Deuteronomio 8:17

Kaya dai nanggad kamo mag-isip na nagyaman kamo huli sa sadiri nindong kakayahan saka kosog.

Josue 23:3

Nahiling nindo an gabos na ginibo nin Kagurangnan na saindong Dios sa gabos na banwaan huli sa saindo. Siya an nakipaglaban para sa saindo.