Deuteronomio 7:16 - Marahay na Bareta Biblia

¹⁶ Gadanon nindo an gabos na banwaan na itatao sa saindong kamot kan Kagurangnan na saindong Dios. Dai kamo maherak sainda asin dai kamo magsamba sa saindang mga dios-dios. Iyan an magigin siod para saindo.

Deuteronomio 7:16 ပူးပေါင်းရင်းမြစ်များ

Salmo 106:34

Dai ninda rinonot an mga banwaan, siring sa ipinagboot sainda nin Kagurangnan;

Salmo 106:36

Mga dios-dios kan mga pagano sinamba ninda, na nagin siod para sainda.

Exodo 23:33

Dai nindo sinda pagtugotan na mag-erok sa saindong daga huli ta kun magtugot kamo, papagkasalaon ninda kamo sa sakuya; iyan an magigin siod sa saindo kun sambahon nindo an saindang mga dios-dios.”

Jeremias 21:7

Alagad ika, an saimong mga opisyal saka an mga tawong nakaligtas sa gera, sa gutom, asin sa peste, mabibihag ni Hadeng Nebukadnezzar asin nin saimong mga kaiwal, na boot gumadan saimo. Gagadanon ka ni Nebukadnezzar. Dai niya ililigtas ni maheherakan an siisay man saindo. Ako, an Kagurangnan, an nagtaram.”

Mga Bilang 33:55

Alagad kun dai nindo pahaleon an gabos na nag-eerok sa daga, an matatada magigin garo mga puling sa saindong mga mata asin mga tonok sa saindong mga hirog. Lalabanan ninda kamo sa dagang eerokan nindo.

1 Corinto 15:33

Dai kamo magpadaya: “An mga maraot na kairiba, nakakaraot kan marahay na ugale.”

Deuteronomio 13:8

dai kamo magdangog saka magtubod saiya. Dai kamo maherak saiya; dai nindo siya pagtagoon o buhayon.

Deuteronomio 13:9

Gadanon nindo siya! Pangenotan nindo an paggapo saiya, dangan pabayaan nindong gapoon siya kan gabos.

Deuteronomio 19:13

Dai kamo maherak saiya. Linigan nindo an Israel kan paragadan na ini, tanganing an gabos magin marahay para saindo.

Deuteronomio 19:21

Dai kamo magpahiling nin pagkaherak; an padusa kaipuhan buhay sa buhay, mata sa mata, ngipon sa ngipon, kamot sa kamot, asin bitis sa bitis.

Deuteronomio 25:12

puputolan nin kamot an babaeng iyan; dai kamo maherak saiya.

Deuteronomio 7:2

Kun itao na sinda nin Kagurangnan sa saindong kamot asin madaog na nindo sinda, kaipuhan gadanon nindo sinda gabos. Dai kamo makipagtipan sainda, asin dai kamo maherak sainda.

Deuteronomio 7:25

Suloon nindo an saindang mga dios-dios. Dai nindo pagmawoton asin pagsadirihon an mga plata o bulawan na yaon sa mga ladawan na iyan, huli ta iyan an makakasiod sa saindo; ikinakaanggot nin Kagurangnan an pagsamba sa mga dios-dios.

Josue 11:20

Ginibo nin Kagurangnan na maigot sindang makipaglaban sa mga Israelita tanganing ronoton sinda asin gadanon na mayo nin pagkaherak. Iyo ini an ipinagboot nin Kagurangnan ki Moises.

Hukom 2:12

Nag-ontok sinda sa pagsamba sa Kagurangnan, an Dios kan saindang mga ginikanan, an Dios na nagligtas sainda sa Egipto, asin nagpoon sindang magsamba sa ibang dios na pinagsasamba kan mga tawong nasa palibot ninda, kaya naanggot sainda an Kagurangnan.

Hukom 2:3

Kaya sinasabihan ko kamo ngunyan na dai ko papahaleon an mga tawong ini sa pagdangadang nindo. Magigin mga kaiwal nindo sinda asin an pagsamba sa saindang mga dios-dios iyo an magigin siod nindo.”

Hukom 3:6

Nakipag-agoman sinda sa mga ini asin nagsamba kan saindang mga dios-dios.

Hukom 8:27

Guminibo si Gideon nin sarong bulawan na estatwa asin ibinugtak niya idto sa sadiri niyang banwa, sa Ofra. Tinalikodan an Dios kan mga Israelita asin sinamba ninda an estatwa. Iyo ini an nagin siod para ki Gideon asin kan saiyang pamilya.