Deuteronomio 7:15 - Marahay na Bareta Biblia

¹⁵ Irarayo kamo nin Kagurangnan sa anoman na kahelangan asin dai niya kamo papadarahan kan mga helang na nasaksihan nindo duman sa Egipto, alagad ipapadara niya iyan sa saindong mga kaiwal.

Deuteronomio 7:15 ပူးပေါင်းရင်းမြစ်များ

Salmo 91:10

mayong karatan na maabot saimo, mayong kadahasan na madolok sa saimong erokan.

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Exodo 23:25

Kun ako, an Kagurangnan na saindong Dios, iyo sana an saindong sasambahon, bebendisyonan ko an saindong pagkakan asin inomon; dangan hahaleon ko saindo an gabos na helang.

Exodo 9:11

An mga salamangkero dai nakahampang ki Moises huli ta lakop man an hawak ninda nin mga pigsa arog kan ibang mga Egipcio.

Deuteronomio 28:27

An Kagurangnan mapadara saindo nin mga pigsa arog kan ipinadara niya sa mga Egipcio. An saindong kublit mapapano nin mga gatok asin duldul na sobra an gatol, asin dai kamo mararahay.

Deuteronomio 28:60

Ipapadara niya giraray saindo an gabos na helang sa Egipto na natakotan nindo, asin dai kamo mararahay.

Deuteronomio 30:7

Ipapadara nin Kagurangnan an mga maldisyon na ini sa saindong mga kaiwal na naongis asin nag-api saindo.