Deuteronomio 6:24 - Marahay na Bareta Biblia

²⁴ Dangan pinagbootan kami nin Kagurangnan na satuyang Dios na kuyogon an mga togon na ini asin na matakot kami saiya. Kun gibohon mi ini, aatamanon niya asin papauswagon an satuyang nasyon.

Deuteronomio 6:24 ပူးပေါင်းရင်းမြစ်များ

Salmo 41:2

Inaampon siya nin Kagurangnan asin pinapadanay an buhay; inaapod na paladan digdi sa daga; dai siya itinatao sa kapangyarihan nin saiyang kaiwal.

Salmo 41:3

Tinatabangan siya nin Kagurangnan kun siya naghehelang asin binobolong an gabos niyang kamatean.

Salmo 66:9

sa saiya na padagos satong nagbubuhay asin dai nagtutugot na kita magadan.

Exodo 20:20

Nagsimbag si Moises, “Dai kamo matakot; huli ta an Dios napadigdi sa pagbalo sa saindo. Boot niyang magkaigwa kamo nin takot sa saiya tanganing dai kamo magkasala.”

Mga Talinhaga 22:4

An balos sa kapakumbabaan asin pagkatakot sa Kagurangnan iyo an kayamanan, kaomawan, saka buhay.

Mga Talinhaga 9:12

Kun igwa ka nin kadonongan, ika man sana an magkikinabang, alagad magtitios ka kun isikwal mo iyan.

Isaias 3:10

Magigin maogma an mga matanos asin magigin marahay an saindang kamugtakan, huli ta magkakakan sinda kan bunga nin saindang kapagalan.

Jeremias 32:39

Itatao ko sainda an sarong katuyohan sa buhay, an omawon ako sa gabos na panahon para sa sadiri nindang karahayan asin sa karahayan kan saindang mga kapagarakian.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Lukas 10:28

“Tama an simbag mo,” an sabi ni Jesus. “Giboha iyan asin mabubuhay ka.”

Roma 10:5

Ini an sinurat ni Moises mapadapit sa kun paano nagigin matanos an tawo sa Dios huli sa pagkuyog kan Katogonan: “An nag-ootob kan Katogonan mabubuhay huli kaiyan.”

Deuteronomio 4:1

Dangan sinabihan ni Moises an mga tawo, “Kuyogon nindo an gabos na togon asin pagboot na itinutukdo ko, tanganing mabuhay kamo asin masadirihan nindo an daga na itinatao saindo nin Kagurangnan, an Dios kan saindong mga ginikanan.

Deuteronomio 4:4

alagad kamong nagdanay na maimbod sa saiya, buhay pa sagkod ngunyan.

Deuteronomio 6:2

Sa bilog nindong pagkabuhay, kamo sagkod an saindong kapagarakian dapat na matakot sa Kagurangnan na saindong Dios, asin magkuyog kan gabos niyang togon na itinatao ko saindo, tanganing maghalawig an saindong buhay.

Deuteronomio 6:23

Hinale niya kami duman tanganing darahon digdi asin tawan kan dagang ini na ipinanuga niya na itatao sa satong mga ginikanan.

Deuteronomio 8:1

“Maimbod na kuyogon nindo an gabos na togon na itinao ko saindo ngunyan tanganing mabuhay asin magdakul kamo, patin masadirihan nindo an dagang ipinanuga nin Kagurangnan sa saindong mga ginikanan.

Deuteronomio 8:3

Ginutom niya kamo dangan pinakakan nin manna, sarong pagkakan na dai pa nanamitan nindo asin kan saindong mga magurang. Ginibo niya idto tanganing tukdoan kamo na an tawo nabubuhay bako sa tinapay sana kundi sa lambang tataramon na minagikan sa ngoso nin Kagurangnan.