Deuteronomio 6:22 - Marahay na Bareta Biblia

²² Nahiling mi an mga ngangalasan asin makangirhat na mga bagay na ginibo niya sa mga Egipcio, sa hade sagkod sa gabos na opisyal niya.

Deuteronomio 6:22 ပူးပေါင်းရင်းမြစ်များ

Salmo 135:9

Mga milagro saka ngangalasan ginibo niya duman, tanganing padusahan an hade asin an gabos na opisyal kaini.

Salmo 136:4

Siya sana an nakakagibo nin darakulang ngangalasan; an saiyang pagkamoot mayo nin kataposan.

Salmo 91:8

Mahihiling mo asin mamamasdan kun paano pinapadusahan an tampalasan.

Exodo 10:2

siring man tanganing ikaosip nindo sa saindong mga aki asin mga makoapo kun paano ginibong ngingisihan an mga Egipcio kan ipahiling ko sainda an mga ngangalasan. Kamo gabos makakamidbid na ako an Kagurangnan.”

Exodo 3:20

Kaya gagamiton ko an sakong kapangyarihan asin papadusahan ko an Egipto sa paagi nin makangingirhat na mga bagay na gigibohon ko duman. Pakatapos kaiyan papahaleon na niya kamo.

Deuteronomio 1:30

An Kagurangnan na saindong Dios an mangengenot saindo asin makikilaban para saindo, arog kan nahiling nindong ginibo niya sa Egipto

Deuteronomio 3:21

“Dangan sinabihan ko si Josue: ‘Nahiling mo an ginibo nin Kagurangnan na saimong Dios sa duwang hadeng si Sihon asin si Og; arog man kaiyan an saiyang gigibohon sa kiisay man na kagsadiri kan daga na saimong sasalakayon.

Deuteronomio 4:3

Nahiling nindo an ginibo nin Kagurangnan sa Bukid nin Peor. Ginadan niya an gabos na nagsamba ki Baal duman,

Deuteronomio 4:34

Igwa daw nin dios na nangahas na magduman asin magkua nin sarong banwaan hale sa ibang nasyon dangan gibohon na saiyang sadiri, arog kan ginibo saindo nin Kagurangnan na saindong Dios duman sa Egipto? Sa atubang nindo, ginamit niya an saiyang kosog asin kapangyarihan huli sa mga helang saka gera, sa mga tanda sagkod ngangalasan patin sa mga mangirhat na bagay.

Deuteronomio 6:21

sabihan nindo sindang, ‘Mga oripon kami kaidto kan hade nin Egipto, alagad ilinigtas kami nin Kagurangnan huli kan saiyang mapangyaring kamot.

Deuteronomio 6:23

Hinale niya kami duman tanganing darahon digdi asin tawan kan dagang ini na ipinanuga niya na itatao sa satong mga ginikanan.

Deuteronomio 7:19

Nahiling nindo an mga makangirhat na peste, mga tanda saka mga ngangalasan; an dakulang kapangyarihan asin kosog na ginamit nin Kagurangnan na saindong Dios sa pagligtas saindo. Arog man kaiyan an saiyang gigibohon sa mga banwaan na natatakotan nindo.