Deuteronomio 6:18 - Marahay na Bareta Biblia

¹⁸ Gibohon nindo an matanos asin an marahay sa atubang nin Kagurangnan tanganing mapakarahay kamo dangan masadirihan nindo an mayaman na daga na ipinanuga nin Kagurangnan sa saindong mga ginikanan,

Deuteronomio 6:18 ပူးပေါင်းရင်းမြစ်များ

Salmo 19:11

Huli kan saimong mga pagboot, an saimong sorogoon napapatanidan; igwa nin dakulang balos an pagkuyog kan mga iyan.

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Isaias 3:10

Magigin maogma an mga matanos asin magigin marahay an saindang kamugtakan, huli ta magkakakan sinda kan bunga nin saindang kapagalan.

Isaias 38:3

“Giromdoma, Kagurangnan, na maimbod asin bilog na puso takang pinaglingkodan; ginibo ko an matanos sa saimong atubang.” Dangan nagtangis siya nin makuri.

Ezekiel 18:19

“Alagad minahapot kamo, ‘Tadaw ta dai magtios an aki huli sa mga kasalan kan saiyang ama?’ An simbag iyo na an aki naggibo kan matanos saka marahay. Inotob niya an sakong mga pagboot asin maingat na sinunod iyan, kaya totoong mabubuhay siya.

Ezekiel 18:21

“Kun an maraot na tawo mag-ontok sa saiyang pagkakasala dangan mag-otob kan sakong mga pagboot, asin maggibo kan matanos saka marahay, dai siya magagadan; totoong mabubuhay siya.

Ezekiel 18:27

Kun an sarong maraot na tawo mag-ontok sa pagkakasala asin maggibo nin matanos saka marahay, iliniligtas niya an saiyang buhay.

Ezekiel 18:5

“Halimbawa igwa nin sarong lalaking totoong marahay, matanos saka onesto.

Ezekiel 33:14

Pwede kong patanidan an sarong tampalasan na siya magagadan, alagad kun ontokon niya an saiyang pagkakasala dangan maggibo siya nin matanos saka marahay—

Ezekiel 33:16

Papatawadon ko an mga kasalan na saiyang ginibo, asin mabubuhay siya huli ta ginibo niya an matanos saka tama.

Ezekiel 33:19

Kun ontokon kan sarong tampalasan an paggibo nin karatan, dangan maggibo siya nin matanos saka tama, mabubuhay siya huli kaiyan.

Oseas 14:9

An nakasurat digdi masabotan logod kan mga madonong asin itanom logod ninda sa saindang puso. Matanos an mga paagi nin Kagurangnan, asin nabubuhay an mga matanos na tawo huli sa pagsunod kan mga iyan, alagad nasisingkog saka natutumba an mga parakasalang minasuway kaiyan.

Juan 8:29

Kaiba ko an nagsugo sako; dai niya ako pinapabayaan; huli ta danay na ginigibo ko an ikinakaogma niya.”

Roma 12:2

Dai kamo makibagay sa kinaban na ini, kundi bayaan nindong bagohon kamo nin Dios huli sa pagbago kan saindong isip, tanganing mapatotoohan nindo kun ano an marahay, an maaako asin an mayong kakulangan na kabotan nin Dios.

Deuteronomio 12:25

Kun kuyogon nindo an pagboot na ini, maoogma an Kagurangnan asin mapapakarahay kamo sagkod an saindong kapagarakian.

Deuteronomio 12:28

Kuyogon nindo an gabos na ipinagboboot ko saindo, tanganing mapakarahay kamo asin an saindong kapagarakian sagkod pa man, huli sa paggibo nindo nin marahay asin nin matanos sa atubang nin Kagurangnan na saindong Dios.

Deuteronomio 13:18

kun kuyogon nindo an saiyang mga togon na ipinagboot ko saindo ngunyan na aldaw, asin gibohon nindo an matanos sa atubang nin Kagurangnan na saindong Dios.

Deuteronomio 4:40

Kuyogon nindo an saiyang mga togon asin pagboot na itinatao ko saindo ngunyan na aldaw, tanganing mapakarahay kamo sagkod an saindong mga aki, asin maghalawig an saindong buhay sa daga na sagkod lamang itinatao saindo nin Kagurangnan na saindong Dios.”

Deuteronomio 5:29

Padagos logod sindang matakot sako asin mag-otob kan sakuyang mga togon tanganing mapakarahay sinda asin an saindang kapagarakian sagkod pa man!

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

Deuteronomio 6:10

“Siring sa ipinanuga nin Kagurangnan na saindong Dios sa saindong mga ginikanan, ki Abraham, ki Isaac sagkod ki Jacob, tatawan niya kamo nin daga na igwa nin mga darakula asin magagayon na mga syudad na bakong kamo an nagtugdok,

Deuteronomio 6:19

huli sa pagpahale kan saindong mga kaiwal, siring sa saiyang ipinanuga.

Deuteronomio 8:11

“Dai nanggad nindo paglingawan an Kagurangnan na saindong Dios; kuyogon nanggad nindo an gabos niyang togon saka pagboot na itinatao ko saindo ngunyan na aldaw.