Deuteronomio 6:16 - Marahay na Bareta Biblia

¹⁶ “Dai nindo pagbaloon an Kagurangnan na saindong Dios, arog kan ginibo nindo saiya duman sa Massa.

Deuteronomio 6:16 ပူးပေါင်းရင်းမြစ်များ

Salmo 78:18

Tuyong binalo ninda an Dios sa paagi nin paghagad kan kakanon na saindang minawot.

Exodo 17:2

kaya nagreklamo sinda ki Moises asin nagsabi, “Tawan mo kami nin tubig na iinomon.” Nagsimbag sainda si Moises, “Tadaw ta nagrereklamo kamo? Tano ta binabalo nindo an Kagurangnan?”

Exodo 17:7

An lugar nginaranan Massa asin Meriba, huli ta nagreklamo an mga Israelita, asin huli ta binalo ninda an Kagurangnan kan sinda magsabi, “Kaibahan ta daw an Kagurangnan o dai?”

Mga Bilang 20:13

Nangyari ini sa Meriba, saen nagreklamo an banwaan nin Israel tumang sa Kagurangnan; duman niya ipinahiling sainda na siya banal.

Mateo 4:7

Nagsimbag si Jesus, “Nasusurat man, ‘Dai mo pagsugotan an Kagurangnan mong Dios.’”

Lukas 4:12

Alagad sinimbag siya ni Jesus, “Nasusurat man, ‘Dai mo pagsugotan an Kagurangnan mong Dios.’”

1 Corinto 10:9

Dai ta man dapat pagbaloon an Kagurangnan, siring kan ginibo kan iba sainda, kaya ginaradan sinda kan mga halas.

Deuteronomio 33:8

Nagsabi si Moises manongod ki Levi: “Ipinapahayag mo ki Levi an saimong kabotan sa paagi kan Urim asin Tummim. Binalo mo siya duman sa Massa; saiyang kaimbodan nahiling mo sa katubigan nin Meriba.