Deuteronomio 5:5 - Marahay na Bareta Biblia

⁵ Mantang nagtataram siya, nagtindog ako sa pagultanan nindo asin nin Kagurangnan tanganing ipahayag saindo an saiyang itinaram, huli ta natakot kamo sa kalayo dangan dai kamo nagtukad sa bukid. “Nagtaram an Kagurangnan,

Deuteronomio 5:5 ပူးပေါင်းရင်းမြစ်များ

Genesis 18:22

Dangan naghale an mga lalaki asin naglakaw pasiring sa Sodoma, alagad nawalat an Kagurangnan sa kaibahan ni Abraham.

2 Mga Hade 18:4

Ginaba niya an paganong mga lugar na pagsasambahan, rinonot an mga gapong harigi asin pinalod an mga ladawan kan diosang si Asera. Rinonot man niya an bronseng halas na ginibo ni Moises, huli ta sagkod kan panahon na idto nagtututong pa nin insenso an mga Israelita sa pag-omaw sa bronseng halas; ini inapod na Nehustan.

Salmo 106:23

Kan siya magtaram na tutunawon niya an saiyang banwaan, si Moises na saiyang pinili nagtindog sa saiyang atubang, nakimaherak na dai sinda tunawon kan saiyang kaanggotan.

Exodo 19:16

Pagkaaga kan ikatolong aldaw, nagkaigwa nin daguldol saka kikilat, nagtunga sa bukid an sarong mahibog na panganoron asin nadangog an makosog na tanog kan trompeta. An gabos na tawo sa kampo nagtarakig sa takot.

Exodo 19:21

Tinaraman siya nin Kagurangnan, “Maghilig ka asin patanidan mo an mga tawo na dai maglampas sa kasagkoran sa paghiling sako. Kun gibohon ninda iyan, dakul sainda an magagadan.

Exodo 19:25

Naghilig si Moises asin sinabihan an mga tawo.

Jeremias 30:21

An saindang pamayo magikan sa sadiri nindang nasyon, an saindang prinsipe maghahale sa sainda man sana. Madolok siya sako kun alokon ko siya, huli ta siisay an mangangahas na dumolok na dai inalok? Sinda magigin banwaan ko, asin ako an magigin Dios ninda. Ako, an Kagurangnan, an nagtaram.”

Mga Bilang 16:48

Napaontok kaini an peste, asin nagtindog si Aaron sa pagultanan kan mga buhay asin kan mga gadan.

Galacia 3:19

Kun siring, ano an katuyohan kan Katogonan? Idinagdag iyan tanganing mahiling kun ano an gibong sala; igwa iyan nin halaga sagkod na dai pa minaabot an aki ni Abraham na iyo an pinanongdan kan panuga. An Katogonan itinao sa paagi nin mga anghel sa tabang nin sarong tagapagultanan.

Deuteronomio 5:27

Magduman ka, Moises, asin dangogon mo an gabos na itataram nin Kagurangnan na satuyang Dios; dangan magbalik ka asin iosip mo samo an saiyang itinaram. An gabos samuyang dadangogon asin kukuyogon.’

Hebreyo 9:24

Dai naglaog si Cristo sa Santwaryo na gibo sana kan tawo asin kaagid sana kan tunay na santwaryo; naglaog siya sa langit mismo, saen nakikiatubang siya sa Dios para sato.