Deuteronomio 5:4 - Marahay na Bareta Biblia

⁴ Duman sa bukid, hampangan na nagtaram saindo an Kagurangnan hale sa naglalaad na kalayo.

Deuteronomio 5:4 ပူးပေါင်းရင်းမြစ်များ

Exodo 19:9

Nagtaram an Kagurangnan ki Moises, “Madolok ako saimo sa mahibog na panganoron, tanganing madangog kan mga tawo an pagtaram ko saimo, asin tanganing sagkod lamang magtubod sinda sa saimo.” Ibinareta ni Moises sa Kagurangnan an simbag kan mga tawo.

Exodo 20:1

Nagtaram an Dios, asin ini an saiyang mga tataramon:

Exodo 33:11

Parating hampangan kun makipag-olay an Kagurangnan ki Moises, siring sa sarong tawo na nakikiolay sa saiyang katood. Pakatapos, minabalik na sa kampo si Moises alagad nawawalat sa toldang pinagtatagboan an saiyang hoben na katabang, si Josue, na aki ni Nun.

Mga Bilang 12:8

Hampangan ko siyang kinakaolay, maliwanag kong itinataram saiya an gabos asin bako sa mga paokod; nahiling niya an sakong porma. Tadaw ta nangahas kamong magtaram laban sa sorogoon kong si Moises?”

Mga Bilang 14:14

ipapamareta ninda iyan sa mga nag-eerok sa dagang ini. Nadangog na man kan mga tawong ini na kaiba mi ika, O Kagurangnan, na nahihiling ka kun minaontok an saimong panganoron sa tangod nyamo, asin kun aldaw nangengenot ka sa samo sa sarong harigi nin panganoron dangan kun banggi sa sarong harigi nin kalayo.

Deuteronomio 34:10

Mayong propeta na makakaarog ki Moises sa bilog na Israel; hampangan na nagtaram saiya an Kagurangnan.

Deuteronomio 4:12

Sabihan nindo sinda kun paano nagtaram an Kagurangnan sa saindo hale sa kalayo; nadangog nindo an saiyang tingog alagad dai nindo siya nahiling sa ano man na porma.

Deuteronomio 4:15

“Kan magtaram saindo an Kagurangnan hale sa kalayo duman sa Bukid nin Sinai, mayo kamong nahiling na ano man na porma. Kaya magmaan kamo

Deuteronomio 4:33

Igwa daw nin banwaan na arog saindo na nakadangog sa sarong dios na nagtaram hale sa kalayo, asin padagos na nabuhay?

Deuteronomio 4:36

Tinugotan niya kamong makadangog kan saiyang tingog hale sa langit tanganing matukdoan kamo. Nahiling nindo digdi sa daga an saiyang banal na kalayo, dangan nadangog nindo siyang nagtaram hale sa kalayo.

Deuteronomio 5:22

“Iyo ini an mga pagboot na itinao saindo nin Kagurangnan kan magtiripon kamo sa atubang kan bukid, kan magtaram siya sa makosog na tingog hale sa kalayo, hale sa panganoron sagkod sa mahibog na kadikloman; mayo na siyang idinagdag. Dangan isinurat niya an mga ini sa duwang tablang gapo asin itinao sako.