Deuteronomio 5:29 - Marahay na Bareta Biblia

²⁹ Padagos logod sindang matakot sako asin mag-otob kan sakuyang mga togon tanganing mapakarahay sinda asin an saindang kapagarakian sagkod pa man!

Deuteronomio 5:29 ပူးပေါင်းရင်းမြစ်များ

1 Mga Cronica 29:18

O Kagurangnan, Dios nin samong mga ginikanan na si Abraham, si Isaac asin si Jacob, papagdanaya an siring na mga katuyohan asin mga kaisipan sa puso nin saimong banwaan, dangan giboha sindang maimbod saimo.

Salmo 106:3

Paladan an mga nag-ootob kan saiyang kabotan, an danay na naggigibo nin katanosan.

Salmo 19:11

Huli kan saimong mga pagboot, an saimong sorogoon napapatanidan; igwa nin dakulang balos an pagkuyog kan mga iyan.

Salmo 19:12

Alagad siisay an nakakasabot kan sadiring mga kasalan? Linigi ako sa mga hilom na karatan!

Salmo 78:7

tanganing ibugtak ninda an saindang paglaom sa Dios, asin dai malingawan an saiyang ginibo, kundi padagos na otobon an saiyang katogonan;

Salmo 81:16

Alagad ipapakakan ko saindo an pinakamarahay na trigo asin babasogon ko kamo sa dugos na hale sa gapo.”

Isaias 3:10

Magigin maogma an mga matanos asin magigin marahay an saindang kamugtakan, huli ta magkakakan sinda kan bunga nin saindang kapagalan.

Isaias 48:18

“Kun saimo sanang dinangog an sakong katogonan siring kutana sa sarong salog an saindong katoninongan, asin siring sa mga alon nin dagat an saindong katanosan!

Jeremias 42:6

Mawilihan mi man iyan o dai, susunodon mi an Kagurangnan na satong Dios, na papamibian mo sosog sa samong kahagadan. Mapapakarhay kami kun susunodon mi siya.”

Jeremias 44:4

Padagos kong sinugo saindo an mga propeta na sakong mga sorogoon. Sinabihan ninda kamo na dai nindo paggibohon an makauuyam na bagay na ini na ikinakaongis ko.

Mateo 23:37

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki, arog kan paglukob kan gunakan sa saiyang mga siwo, alagad habo ka!

Lukas 11:28

Alagad nagsimbag si Jesus, “Orog na paladan an mga nagdadangog kan tataramon nin Dios asin nag-ootob kaiyan!”

Lukas 19:42

An sabi niya, “Kun aram mo pa sana sa aldaw na ini an mga kaipuhan para sa katoninongan! Alagad dai mo iyan nahihiling ngunyan!

Juan 15:14

Mga katood ko kamo kun gibohon nindo an mga ipinagboboot ko saindo.

2 Corinto 5:20

Kaya, nagtataram kami ngunyan para ki Cristo na garo an Dios mismo an nakikiolay saindo sa paagi mi. Nakikimaherak kami saindo sa ngaran ni Cristo na makipag-olian na kamo sa Dios.

2 Corinto 6:1

Kaya bilang mga kaiba sa paglingkod sa Dios, nakikimaherak kami saindo, na mga nag-ako kan biyaya nin Dios na dai nindo iyan pagsayangon.

Efeso 6:3

tanganing mapakarahay kamo asin maghalawig an saindong buhay sa daga.”

Deuteronomio 10:12

“Banwaan nin Israel, dangoga nindo ngunyan an kahagadan saindo nin Kagurangnan na saindong Dios; magkaigwa kamo nin pagkatakot saiya asin otobon nindo an saiyang mga pagboot. Kamotan nindo an Kagurangnan saka paglingkodan nindo siya sa bilog nindong puso,

Deuteronomio 10:20

Matakot kamo sa Kagurangnan na saindong Dios asin siya sana an saindong pagsambahon. Magmaimbod kamo saiya asin magsumpa kamo sa saiya sanang ngaran.

Deuteronomio 11:1

“Kamotan nindo an Kagurangnan na saindong Dios, asin danay na kuyogon nindo an saiyang mga togon saka mga pagboot.

Deuteronomio 12:25

Kun kuyogon nindo an pagboot na ini, maoogma an Kagurangnan asin mapapakarahay kamo sagkod an saindong kapagarakian.

Deuteronomio 12:28

Kuyogon nindo an gabos na ipinagboboot ko saindo, tanganing mapakarahay kamo asin an saindong kapagarakian sagkod pa man, huli sa paggibo nindo nin marahay asin nin matanos sa atubang nin Kagurangnan na saindong Dios.

Deuteronomio 19:13

Dai kamo maherak saiya. Linigan nindo an Israel kan paragadan na ini, tanganing an gabos magin marahay para saindo.

Deuteronomio 22:7

Pwede nindong kuahon an mga siwo alagad butasan nindo an ina, tanganing maghalawig asin mag-uswag an saindong buhay.

Deuteronomio 4:10

an manongod sa aldaw na nagtindog kamo sa atubang nin Kagurangnan na saindong Dios duman sa Bukid nin Sinai, kan siya magtaram sako, ‘Tipona sa atubang ko an gabos na tawo. Boot kong dangogon ninda an sakuyang itataram, tanganing makanood sindang matakot sako sa bilog nindang pagkabuhay, asin tanganing itukdo man ninda an siring sa saindang mga aki.’

Deuteronomio 4:2

Dai nindo pagdagdagan o pag-inaan an mga ipinagboot ko saindo. Kuyogon nindo an mga pagboot nin Kagurangnan na saindong Dios na itinao ko saindo.

Deuteronomio 4:40

Kuyogon nindo an saiyang mga togon asin pagboot na itinatao ko saindo ngunyan na aldaw, tanganing mapakarahay kamo sagkod an saindong mga aki, asin maghalawig an saindong buhay sa daga na sagkod lamang itinatao saindo nin Kagurangnan na saindong Dios.”

Deuteronomio 5:16

“‘Galangan nindo an saindong ama asin ina, siring na ako, an Kagurangnan na saindong Dios, an nagboboot sa saindo, tanganing maghalawig an saindong buhay asin mapakarahay kamo duman sa daga na itinatao ko saindo.

Deuteronomio 5:30

Magbalik ka dangan papulion mo sinda sa saindang mga tolda.

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

Deuteronomio 6:17

Kuyogon nanggad nindo an gabos na togon na itinao niya saindo.

Deuteronomio 6:18

Gibohon nindo an matanos asin an marahay sa atubang nin Kagurangnan tanganing mapakarahay kamo dangan masadirihan nindo an mayaman na daga na ipinanuga nin Kagurangnan sa saindong mga ginikanan,

Deuteronomio 6:3

Kaya dangoga nindo ini, mga Israelita, asin kuyogon nindo, tanganing mapakarahay kamo asin magdakul duman sa dagang matubang saka mayaman sa gabos na bagay, siring sa ipinanuga nin Kagurangnan, na Dios kan saindong mga ginikanan.

Deuteronomio 8:6

Kaya kuyogon nindo an saiyang mga pagboot: mamuhay kamo sosog sa saiyang mga togon asin matakot kamo saiya.

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?

Santiago 1:25

Alagad an tawong nagsisiyasat kan totoong katogonan, na iyo an nagtatao nin katalingkasan, dangan danay na inaadalan iyan—na bako sanang paradangog na malilingawon kundi paragibo man—an siring na tawo bebendisyonan nin Dios sa saiyang gibo.

Kapahayagan 22:14

Paladan an mga naglinig kan saindang mga gubing, huli ta tatawan sinda nin deretsong magkakan kan bunga kan kahoy nin buhay, saka maglaog sa mga trangkahan kan syudad.

Ruth 3:1

Pakalihis nin nagkapirang aldaw, nagsabi si Naomi ki Ruth, “Kaipuhan ihanap taka nin magigin agom tanganing magkaigwa ka nin sadiring pamilya.