Deuteronomio 5:27 - Marahay na Bareta Biblia

²⁷ Magduman ka, Moises, asin dangogon mo an gabos na itataram nin Kagurangnan na satuyang Dios; dangan magbalik ka asin iosip mo samo an saiyang itinaram. An gabos samuyang dadangogon asin kukuyogon.’

Deuteronomio 5:27 ပူးပေါင်းရင်းမြစ်များ

Exodo 18:20

Itukdo mo sa sainda an mga togon saka an mga pagboot nin Dios asin kun paano sinda dapat na mamuhay dangan kun ano an dapat nindang gibohon.

Exodo 19:8

Sarabay na nagsimbag an mga tawo, “Gigibohon mi an gabos na itinaram nin Kagurangnan,” asin ibinareta ni Moises sa Kagurangnan an simbag kan mga tawo.

Exodo 20:18

Kan madangog kan mga tawo an daguldol saka an tanog kan trompeta asin kan mahiling ninda an kikilat sagkod an nag-aasong bukid, nagtarakig sinda sa takot; kaya nagtirindog sinda sa harayo.

Exodo 20:19

Nagsarabi sinda ki Moises, “Ika an magtaram samo asin madangog kami; alagad dai mo pagpataramon samo an Dios huli ta tibaad magadan kami.”

Exodo 24:3

Nagduman si Moises sa mga tawo asin ipinahayag sainda an gabos na togon saka mga pagboot nin Kagurangnan. Sarabay na nagsimbag an mga tawo, “Gigibohon mi an gabos na itinaram nin Kagurangnan.”

Jeremias 42:5

Dangan nagsabi sinda sako, “Magin logod totoo saka maimbod na saksi laban samo an Kagurangnan kun dai mi sunodon an gabos na pagboot na itatao saimo nin Kagurangnan na satong Dios para samo.

Jeremias 42:6

Mawilihan mi man iyan o dai, susunodon mi an Kagurangnan na satong Dios, na papamibian mo sosog sa samong kahagadan. Mapapakarhay kami kun susunodon mi siya.”

Deuteronomio 5:26

Huli ta siisay an tawong padagos nang nabuhay arog sato, pakatapos na madangog niyang magtaram hale sa kalayo an buhay na Dios?

Deuteronomio 5:28

“Kan nadangog ini nin Kagurangnan, nagtaram siya sako, ‘Nadangog ko an sinabi kan mga tawong ini, asin tama sinda.

Hebreyo 12:19

may tanog nin trompeta, saka may sarong tingog. Kan madangog kan mga tawo an tingog, nakimaherak sindang dai na padangogon kaiyan,

Josue 24:24

Nagsimbag giraray saiya an mga tawo, “Maglilingkod kami sa Kagurangnan na samong Dios. Kukuyogon mi an saiyang mga pagboot.”