Deuteronomio 5:26 - Marahay na Bareta Biblia

²⁶ Huli ta siisay an tawong padagos nang nabuhay arog sato, pakatapos na madangog niyang magtaram hale sa kalayo an buhay na Dios?

Deuteronomio 5:26 ပူးပေါင်းရင်းမြစ်များ

Genesis 32:31

Nagsirang na an aldaw kan maghale si Jacob sa Peniel; pilay siyang naglakaw huli sa saiyang piad.

Genesis 6:12

Nahiling nin Dios na an daga pano nin karatan huli sa maraot na pamumuhay kan mga tawo.

Salmo 42:2

Napapaha an kalag ko sa buhay na Dios. Nuarin ako makakarani asin makakahiling kan lalawogon nin Dios?

Salmo 42:3

Sakong mga luha an sakuyang pagkakan sa aldaw asin sa banggi; mantang danay na minahapot sako an mga kaiwal, “Haen an saimong Dios?”

Salmo 84:2

An sakong kalag napupungaw asin naghihidaw sa mga patyo nin Kagurangnan. An sakong puso asin hawak nag-aawit sa kaogmahan sa Dios na buhay.

Exodo 20:22

Nagboot an Kagurangnan ki Moises na taraman an mga Israelita, “Nahiling nindo kun paano ako, an Kagurangnan, nagtaram sa saindo hale sa langit.

Isaias 40:6

Sarong tingog an nagkukurahaw, “Ipahayag mo an sarong mensahe!” “Anong mensahe an ipapahayag ko?” an hapot ko. “Ipahayag mong an gabos na katawohan nakakaarog sa mga doot; dai sinda nahahaloy siring sa mga burak sa kadlagan.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Daniel 6:26

Nagboboot ako na saen man sa sakong imperyo, kaipuhan katakotan asin galangan kan gabos an Dios ni Daniel. “Siya an buhay na Dios, asin maghahade siya sagkod lamang. Dai nanggad mararaot an saiyang kahadean, asin dai nanggad magkakaigwa nin kataposan an saiyang kapangyarihan.

Mateo 26:63

Alagad dai naggirong si Jesus. Sinabihan siya kan Halangkaw na Padi, “Sa ngaran kan buhay na Dios, magsumpa ka: sabihan samo ngunyan kun ika mananggad an Cristo, an Aki nin Dios.”

Mga Gibo 14:15

“Mga tugang, tadaw ta ginigibo nindo ini? Mga tawo man kami arog nindo! An katuyohan mi digdi iyo an pagtukdo saindo kan Marahay na Bareta, tanganing bayaan nindo an mga bagay na ini na mayo nin halaga, dangan magsunod kamo sa Dios na buhay na naglalang kan langit, daga, dagat, asin kan gabos na yaon diyan.

Roma 3:20

Huli ta mayo nin siisay man na magigin matanos sa Dios huli sana sa pagsunod kan Katogonan; an Katogonan iyo an nagpapamidbid sa tawo na siya nagkasala.

2 Corinto 6:16

Paanong magkaoyon an templo nin Dios asin an mga dios-dios? Huli ta kita iyo an templo kan Dios na buhay! Siring sa sinabi nin Dios, “Mag-eerok ako sainda asin maglalakaw sa kaibahan ninda; ako an magigin Dios ninda, sinda an magigin banwaan ko.”

Deuteronomio 4:33

Igwa daw nin banwaan na arog saindo na nakadangog sa sarong dios na nagtaram hale sa kalayo, asin padagos na nabuhay?

Deuteronomio 5:27

Magduman ka, Moises, asin dangogon mo an gabos na itataram nin Kagurangnan na satuyang Dios; dangan magbalik ka asin iosip mo samo an saiyang itinaram. An gabos samuyang dadangogon asin kukuyogon.’

1 Tesalonica 1:9

huli ta sinda mismo an nagbabareta kun paano nindo kami inako kan dalawon mi kamo; kun paano an pagtalikod nindo sa mga dios-dios tanganing makapaglingkod kamo sa totoo saka buhay na Dios,

Josue 3:10

Sa pagdangadang nindo, aalawon niya paluwas sa daga an mga Cananeo, Heteo, Heveo, Perezeo, Gergeseo, Amoreo asin Jebuseo. Saindong maaaraman na yaon sa tahaw nindo an buhay na Dios,

Hukom 13:22

Sinabihan ni Manoa an saiyang agom, “Magagadan nanggad kita huli ta nahiling ta an Dios!”

1 Samuel 17:26

Hinapot ni David an mga lalaking harani saiya, “Ano an gigibohon para sa tawong makakagadan kaining Filisteo asin makakahale kan kasosopgan sa Israel? Huli ta siisay man an bakong sirkomsisyonado na Filisteong iyan na matindog laban sa hukbo kan buhay na Dios?”