Deuteronomio 5:24 - Marahay na Bareta Biblia

²⁴ dangan nagsabi, ‘Ipinahiling sato nin Kagurangnan na satuyang Dios an saiyang kadakulaan asin kamurawayan kan nadangog ta siyang magtaram hale sa kalayo! Satuyang nahiling ngunyan na aldaw na an Dios nagtaram sa tawo asin an tawo padagos na nabuhay.

Deuteronomio 5:24 ပူးပေါင်းရင်းမြစ်များ

Genesis 32:30

Nagsabi si Jacob, “Nahiling ko an lalawogon nin Dios alagad buhay pa ako”; kaya an lugar nginaranan niyang Peniel.

Genesis 32:31

Nagsirang na an aldaw kan maghale si Jacob sa Peniel; pilay siyang naglakaw huli sa saiyang piad.

Exodo 19:19

Mantang orog na nagkokosog an tanog kan trompeta, nagtaram si Moises, asin sinimbag siya nin Dios sa daguldol.

Exodo 20:22

Nagboot an Kagurangnan ki Moises na taraman an mga Israelita, “Nahiling nindo kun paano ako, an Kagurangnan, nagtaram sa saindo hale sa langit.

Exodo 33:20

Alagad dai ko saimo ipapahiling an sakong lalawogon huli ta mayo nin tawong pwedeng makahiling sako dangan padagos na mabuhay.

Mga Bilang 14:14

ipapamareta ninda iyan sa mga nag-eerok sa dagang ini. Nadangog na man kan mga tawong ini na kaiba mi ika, O Kagurangnan, na nahihiling ka kun minaontok an saimong panganoron sa tangod nyamo, asin kun aldaw nangengenot ka sa samo sa sarong harigi nin panganoron dangan kun banggi sa sarong harigi nin kalayo.

Deuteronomio 32:3

Oomawon ko an ngaran nin Kagurangnan, asin an saiyang banwaan magpapahayag kan saiyang kadakulaan.

Deuteronomio 4:33

Igwa daw nin banwaan na arog saindo na nakadangog sa sarong dios na nagtaram hale sa kalayo, asin padagos na nabuhay?

Deuteronomio 5:23

“Kan nadangog nindo an tingog hale sa kadikloman, mantang nagkakalayo an bukid, nagdolok sako an mga lider asin an mga namamayo kan mga tribu,

Deuteronomio 5:25

Alagad tano ta mapagadan kita? Tututongon kita kan makatakot na kalayong iyan. Magagadan nanggad kita kun madangog pa nyatong magtaram an Kagurangnan na satuyang Dios.

Hukom 13:22

Sinabihan ni Manoa an saiyang agom, “Magagadan nanggad kita huli ta nahiling ta an Dios!”