Deuteronomio 5:22 - Marahay na Bareta Biblia

²² “Iyo ini an mga pagboot na itinao saindo nin Kagurangnan kan magtiripon kamo sa atubang kan bukid, kan magtaram siya sa makosog na tingog hale sa kalayo, hale sa panganoron sagkod sa mahibog na kadikloman; mayo na siyang idinagdag. Dangan isinurat niya an mga ini sa duwang tablang gapo asin itinao sako.

Deuteronomio 5:22 ပူးပေါင်းရင်းမြစ်များ

2 Mga Hade 17:37

Danay kamong magkuyog kan sakong mga togon asin pagboot na sinurat ko para saindo. Dai kamo magsamba sa ibang dios,

Exodo 20:21

Alagad padagos na nagtindog sa harayo an mga tawo; si Moises sana an nagdolok sa mahibog na panganoron saen yaon an Dios.

Exodo 24:12

Nagtaram an Kagurangnan ki Moises, “Tumukad ka sa bukid pasiring sako asin maghalat ka huli ta itatao ko saimo an duwang tablang gapo na sinuratan ko kan mga togon asin kan mga pagboot na itutukdo mo sa mga tawo.”

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Deuteronomio 4:33

Igwa daw nin banwaan na arog saindo na nakadangog sa sarong dios na nagtaram hale sa kalayo, asin padagos na nabuhay?

Deuteronomio 4:36

Tinugotan niya kamong makadangog kan saiyang tingog hale sa langit tanganing matukdoan kamo. Nahiling nindo digdi sa daga an saiyang banal na kalayo, dangan nadangog nindo siyang nagtaram hale sa kalayo.

Deuteronomio 5:23

“Kan nadangog nindo an tingog hale sa kadikloman, mantang nagkakalayo an bukid, nagdolok sako an mga lider asin an mga namamayo kan mga tribu,

Deuteronomio 5:4

Duman sa bukid, hampangan na nagtaram saindo an Kagurangnan hale sa naglalaad na kalayo.

Hebreyo 12:18

Arog kan mga Israelita, dai kamo nagdolok sa sarong bulod na nadudutaan—sa Bukid nin Sinai na may naglalaad na kalayo, may kadikloman, may dampog, may bagyo,