Deuteronomio 5:10 - Marahay na Bareta Biblia

¹⁰ Alagad ipinapahiling ko an danay kong pagkamoot sa ribo-ribong henerasyon kan mga namomoot sa sako asin nag-ootob kan sakong mga togon.

Deuteronomio 5:10 ပူးပေါင်းရင်းမြစ်များ

Salmo 103:17

Alagad an danay na pagkamoot nin Kagurangnan sagkod lamang para sa mga tawong may pagkatakot saiya; an saiyang katanosan magdadanay sa gabos na henerasyon;

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Exodo 34:7

Inootob ko an sakong panuga sa ribo-ribong henerasyon asin pinapatawad ko an karatan saka an kasalan; alagad sakuyang papadusahan an mga aki saka mga makoapo sagkod sa ikatolo asin sa ikaapat na henerasyon huli sa mga kasalan kan saindang mga magurang.”

Jeremias 32:18

Nagpahiling ka nin danay na pagkamoot sa rinibong tawo, alagad pinadusahan mo an mga aki huli kan kasalan kan saindang mga magurang. O dakula asin mapangyaring Dios, na an ngaran Kagurangnan nin mga hukbo,

Daniel 9:4

Namibi ako sa Kagurangnan na sakong Dios asin itinuga ko an mga kasalan kan sakong mga kahimanwa. Nagsabi ako, “Kagurangnan Dios, dakula ka asin ginagalangan mi ika. Maimbod ka sa saimong tipan asin ipinapahiling mo an danay mong pagkamoot sa mga namomoot saimo saka nag-ootob kan saimong katogonan.

Mga Bilang 14:18

‘Ako, an Kagurangnan, dai tolos naaanggot saka dakula sa pagkamoot, nagpapatawad kan kasalan patin kasombikalan. Alagad papadusahan ko an mga aki asin makoapo sagkod sa ikatolo patin ikaapat na henerasyon huli kan mga kasalan kan saindang mga magurang.’

Juan 14:15

“Kun namomotan nindo ako, kukuyogon nindo an sakong mga togon.

Juan 15:14

Mga katood ko kamo kun gibohon nindo an mga ipinagboboot ko saindo.

Roma 8:28

Aram ta na sa gabos na bagay an Dios naggigibo para sa karahayan kan mga namomoot saiya—an mga inaapod niya sosog sa saiyang katuyohan.

Galacia 5:6

Huli sa pakisumaro ta ki Cristo Jesus, mayong kalaenan kun pagkaniserkomsisyonado man o bako an tawo; an mahalaga iyo na igwa siya nin pagtubod dahel sa pagkamoot.

Deuteronomio 4:40

Kuyogon nindo an saiyang mga togon asin pagboot na itinatao ko saindo ngunyan na aldaw, tanganing mapakarahay kamo sagkod an saindong mga aki, asin maghalawig an saindong buhay sa daga na sagkod lamang itinatao saindo nin Kagurangnan na saindong Dios.”

Deuteronomio 7:12

“Kun dangogon nindo asin kuyogon an mga togon na ini, ootobon nin Kagurangnan na saindong Dios an saiyang tipan asin ipapahiling niya saindo an saiyang danay na pagkamoot na ipinanuga niya sa saindong mga ginikanan.

Deuteronomio 7:9

Giromdoma na an Kagurangnan na saindong Dios iyo sana an Dios asin maimbod siya. Ootobon niya an saiyang tipan asin ipapahiling niya an saiyang danay na pagkamoot sa ribo-ribong henerasyon kan mga namomoot saiya saka nag-ootob kan saiyang mga togon,

Santiago 1:25

Alagad an tawong nagsisiyasat kan totoong katogonan, na iyo an nagtatao nin katalingkasan, dangan danay na inaadalan iyan—na bako sanang paradangog na malilingawon kundi paragibo man—an siring na tawo bebendisyonan nin Dios sa saiyang gibo.

Josue 22:5

Kuyogon nanggad nindo an togon na itinao saindo ni Moises: kamotan nindo an Kagurangnan na saindong Dios, gibohon an saiyang kabotan, kuyogon an saiyang mga pagboot, magmaimbod saiya, asin paglingkodan siya sa bilog nindong puso saka kalag.”

1 Juan 1:7

Alagad kun nabubuhay kita sa liwanag—siring na an Dios nasa liwanag—may pagkasararo kita, asin an dugo ni Jesus na saiyang Aki an minalinig sato sa gabos na kasalan.