Deuteronomio 4:7 - Marahay na Bareta Biblia

⁷ “Arin na mapangyaring nasyon an igwa nin dios na harani saiya, arog sa Kagurangnan na satong Dios, na harani nin marahay sa sato, kun minaapod kita saiya?

Deuteronomio 4:7 ပူးပေါင်းရင်းမြစ်များ

2 Samuel 7:23

Mayo nin ibang nasyon sa kinaban arog kan Israel, na saimong ilinigtas sa kaoripnan tanganing gibohon na sadiri mong banwaan. An darakula asin makangangalas na mga bagay na ginibo mo para sainda nakapabantog saimo sa bilog na kinaban. Pinalayas mo an ibang nasyon asin an saindang mga dios-dios mantang nagdadangadang an saimong banwaan, an banwaan na saimong pinatalingkas sa Egipto tanganing saimong masadirihan.

Salmo 145:18

Harani siya sa gabos na minaapod saiya; sa gabos na minaapod saiya nin tudok sa puso.

Salmo 147:20

Dai niya iyan ginigibo sa ibang nasyon; an mga ini mayo nin pakaisi kan saiyang kabotan. Omawon an Kagurangnan!

Salmo 148:14

Pinakosog niya an saiyang nasyon, kaya inoomaw siya kan saiyang mga banal, kan banwaan nin Israel na saiyang namomotan. Omawon an Kagurangnan!

Salmo 34:17

Kun minaagrangay an mga matanos, dinadangog nin Kagurangnan; iliniligtas niya sinda sa gabos nindang kasakitan.

Salmo 34:18

Harani an Kagurangnan sa mga nagmomondo; iliniligtas niya an mga nawaraan nin paglaom.

Salmo 46:1

An Dios satong pailihan asin kosog, danay na andam sa pagtabang sa panahon nin kasakitan.

Salmo 73:28

Alagad para sako, mas marahay an magin harani sa Dios; an Kagurangnan Dios an ginibo kong pailihan, tanganing sakong irukyaw an gabos niyang ginibohan!

Salmo 85:9

Totoong harani na an kaligtasan para sa mga may pagkatakot saiya, nganing an kamurawayan mag-erok sa daga.

Isaias 43:4

Papabayaan ko an mga nasyon tanganing iligtas an saimong buhay, huli ta mahalaga ka sa sako, asin huli ta namomotan taka sako ginagalangan.

Isaias 55:6

Hanapa nindo an Kagurangnan mantang makukua siya, pag-apod kamo saiya mantang harani siya.

Mga Bilang 23:21

Mayo akong nahihiling na kapahamakan ki Jacob; O ano man na kasakitan sa Israel. An Kagurangnan na saindang Dios yaon sainda; Siya an ipinapahayag nindang hade.

Mga Bilang 23:9

Nahihiling ko sinda hale sa alitoktok nin mga kabukidan; Binabantayan ko sinda hale sa kabubuldan. Sinda sarong nasyon na solo-solong namumuhay; Nakakasabot na mas paladan sinda ki sa ibang nasyon.

Mga Gibo 17:27

Ginibo niya ini tanganing hanapon ninda siya, kaiba an paglaom na makukua siya. Alagad sa katotoohan bako siyang harayo sa lambang saro sato,

Deuteronomio 26:19

tanganing gibohon niya kamong pinakadakula sa gabos na nasyon na saiyang linalang, asin magdadara kamo nin kaomawan saka onra sa saiyang ngaran. Kamo an magigin sadiring banwaan nin Kagurangnan na saindong Dios siring sa saiyang ipinanuga.”

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.

Deuteronomio 4:32

“Siyasaton nindo an nakaaging panahon, bago kamo namundag, poon kan lalangon nin Dios an tawo sa ibabaw nin daga; siyasaton nindo an bilog na kinaban. Nangyari na daw o nadangog na daw an dakulang ngangalasan na arog kaini?

Deuteronomio 5:26

Huli ta siisay an tawong padagos nang nabuhay arog sato, pakatapos na madangog niyang magtaram hale sa kalayo an buhay na Dios?

Santiago 4:8

Rumani kamo sa Dios asin marani an Dios saindo. Mga parakasala, maghanaw kamo kan mga kamot nindo! Kamong mga parasagin-sagin, linigan nindo an saindong mga puso!