Deuteronomio 4:6 - Marahay na Bareta Biblia

⁶ Maimbod na otobon nindo iyan, asin iyan an magpapahiling sa ibang nasyon kan saindong kadonongan. Kun madangog ninda an mga togon na ini, masabi sinda, ‘Totoong madonong asin may pakasabot an banwaan na ini!’

Deuteronomio 4:6 ပူးပေါင်းရင်းမြစ်များ

1 Mga Hade 4:34

An saiyang kadonongan nabaretaan kan mga hade sa bilog na kinaban asin nagpadara sinda nin mga tawo tanganing maghinanyog saiya.

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

Salmo 111:10

An pagkatakot sa Kagurangnan iyo an kapinonan nin kadonongan; igwa nin marahay na pakasabot an mga naggigibo kaiyan. An saiyang kaomawan magdadanay sagkod pa man!

Salmo 19:7

An Katogonan nin Kagurangnan mayo nin kulang; nagtataong buhay sa kalag. An mga pagboot nin Kagurangnan masasarigan, nagtataong kadonongan sa mangmang.

Salmo 19:8

Matanos gabos an mga togon nin Kagurangnan, sa puso nagtatao nin kaogmahan. An mga pagboot nin Kagurangnan dalisay, minatao nin liwanag sa isip.

Mga Talinhaga 1:4

Ginigibo kaining madonong an mayong eksperyensya asin tinutukdoan kaini an mga hoben kun paano an pagdesisyon nin tama.

Mga Talinhaga 1:5

An mga talinhagang ini makakadagdag sa naaaraman kan mga madonong asin makakagiya sa mga tawong may inadalan,

Mga Talinhaga 1:7

An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Mga Talinhaga 14:34

An katanosan nagpapadakula sa sarong nasyon, alagad an kasalan nagtatao nin kasosopgan sa arin man na banwaan.

Mga Talinhaga 14:8

Tano ta madonong an may isip na tawo? Huli ta aram niya kun ano an saiyang gigibohon. Tano ta lolong an mangmang na tawo? Huli ta naghohona siya na igwa siya nin naaaraman.

Isaias 42:21

An Kagurangnan sarong Dios na andam nanggad na magligtas, kaya ilinakaw niya an saiyang mga togon saka mga katukdoan, asin boot niyang galangan iyan kan saiyang banwaan.

Jeremias 8:9

Napapasopog an mga madonong nindang tawo; nariribong sinda saka nasisiod. Isinikwal ninda an mga tataramon ko; anong kadonongan an yaon pa sainda ngunyan?

Ezekiel 5:5

Nagtaram an Kagurangnan Dios, “Hilinga an Jerusalem. Ibinugtak ko siya sa tahaw kan kinaban, asin nakapalibot saiya an mga nasyon.

Daniel 1:20

Maski anong hapot o problema an itao kan hade, an apat na ini iyo an may sampolong beses na naaaraman ki sa arin man na parahula o salamangkero sa bilog niyang kahadean.

Daniel 4:9

Beltesazzar, pamayo kan mga parahula, naaaraman kong yaon saimo an espiritu kan banal na mga dios, asin nasasabotan mo an gabos na misteryo. Iyo ini an sakong pangatorogan. Sabihan sako an kahulogan kaiyan.

Oseas 8:12

Maski isurat ko pa para sainda an dai mabilang kong katukdoan, sainda man sanang tatalikodan an mga iyan.

Malakias 3:12

Dangan aapodon kamong paladan kan mga tawo sa gabos na nasyon, huli ta magigin sarong marahay na lugar na erokan an saindong daga.

Deuteronomio 29:9

Kaya kuyogon nindo an gabos na tataramon kan tipan na ini, tanganing mag-uswag kamo sa gabos nindong gibo.

Deuteronomio 32:46

nagsabi siya sainda, “Kuyogon nindo ining mga pagboot na itinatao ko saindo ngunyan na aldaw. Itukdo nindo ini sa saindong mga aki tanganing maotob ninda an gabos na katukdoan nin Dios.

Deuteronomio 32:47

Mahalaga an mga katukdoan na ini; iyo ini an saindong buhay. Kuyogon nindo ini asin mahalawig an saindong buhay duman sa daga na nasa ibong kan Jordan, sa daga na saindong sasadirihon.”

2 Timoteo 3:15

Poon kan aki ka pa, tatao ka na kan mga Banal na Kasuratan, na magtutukdo saimo nin kadonongan para sa kaligtasan huli sa pagtubod ki Cristo Jesus.

Santiago 3:13

Siisay an madonong saka may pakasabot diyan saindo? Huli kan matanos niyang pamumuhay, patotoohan niya iyan sa paagi kan saiyang mga gibo, sa kapakumbabaan asin kadonongan.