Deuteronomio 4:49 - Marahay na Bareta Biblia

⁴⁹ kaiba an bilog na rehiyon sa sirangan na parte kan Salog nin Jordan, sagkod sa Gadan na Dagat sa parteng habagat asin sagkod sa pamitisan kan Bukid nin Pisga sa parteng sirangan.

Deuteronomio 4:49 ပူးပေါင်းရင်းမြစ်များ

Ezekiel 47:8

Sinabihan niya ako, “An tubig na ini nagbubulos pasiring sa parteng sirangan kan daga, pasiring sa Kapantayan nin Jordan sagkod sa Gadan na Dagat. Pagbulos kaiyan sa Gadan na Dagat, malilinigan an tubig duman.

Deuteronomio 3:17

Sa solnopan, an saindang teritoryo sagkod sa Salog nin Jordan, magpoon sa Danaw nin Galilea sa parteng amihan, sagkod sa Gadan na Dagat sa parteng timog saka sa Bukid nin Pisga sa parteng sirangan.

Deuteronomio 34:1

Hale sa kapatagan nin Moab, nagtukad si Moises sa Bukid nin Nebo, pasiring sa alitoktok kan Bukid nin Pisga, sa sirangan nin Jerico. Duman ipinahiling saiya nin Kagurangnan an bilog na daga: an teritoryo kan Gilead sagkod sa amihan sa banwa nin Dan;

Deuteronomio 4:48

An dagang ini minapoon sa Aroer na nasa tampi kan Salog nin Arnon, sagkod sa Bukid nin Sirion, na iyo an bukid nin Hermon,

Deuteronomio 5:1

Tinipon ni Moises an bilog na Israel asin sinabihan, “Banwaan nin Israel, dangoga nindo an mga togon asin mga pagboot na itatao ko saindo ngunyan na aldaw. Saboton asin kuyogon nanggad nindo an mga iyan.

Josue 13:20

an Bet-peor, an mga tukadon kan Bukid nin Pisga, asin an Bet-jesimot;