Deuteronomio 4:38 - Marahay na Bareta Biblia

³⁸ Sa pagdangadang nindo, pinahale niya an mga nasyon na mas makosog asin mapangyari ki sa saindo, tanganing palaogon niya kamo dangan paerokon sa saindang daga, na nasasadirihan nindo ngunyan.

Deuteronomio 4:38 ပူးပေါင်းရင်းမြစ်များ

2 Mga Cronica 20:11

Siring kaini an pagbalos ninda samo—na kami pahaleon sa dagang ini na itinao mo samuya.

2 Mga Cronica 20:7

Ika an samuyang Dios. Kan magdangadang sa dagang ini an Israel na saimong banwaan, pinahale mo an mga nag-eerok digdi asin itinao mo ini sa mga kapagarakian ni Abraham na saimong katood, tanganing masadirihan ninda sagkod pa man.

Mga Bilang 34:14

An mga tribu ni Ruben, ni Gad, asin kan kabangang tribu ni Manases nag-ako na kan saindang kahirasan sosog sa saindang mga pamilya,

Mga Bilang 34:15

duman sa sirangan na kabtang kan Jordan, kahampang kan Jerico.”

Deuteronomio 11:23

Dangan sa pagdangadang nindo, papahaleon niya an gabos na nasyon, tanganing masakop nindo an daga na sadiri kan mga nasyon na mas darakula asin mas mapangyari ki sa saindo.

Deuteronomio 2:31

“Dangan nagtaram sako an Kagurangnan, ‘Pinonan ko nang itao saindo si Sihon sagkod an saiyang daga; sakopon nindo asin sadirihon an saiyang daga.’

Deuteronomio 7:1

“Dadarahon kamo nin Kagurangnan na saindong Dios duman sa dagang sasakopon nindo, asin papahaleon niya duman an dakul na banwaan. Sa pagdangadang nindo, aalawon niya an pitong nasyon na orog na dakula asin mapangyari ki sa saindo: an mga Heteo, Gergeseo, Amoreo, Cananeo, Perezeo, Heveo, asin Jebuseo.

Deuteronomio 8:18

Giromdoma nindo na an Kagurangnan na saindong Dios iyo an nagtao saindo nin kakayahan tanganing magyaman kamo. Ginibo niya ini huli ta sagkod ngunyan maimbod siya sa tipan na sinumpaan niya sa saindong mga ginikanan.

Josue 3:10

Sa pagdangadang nindo, aalawon niya paluwas sa daga an mga Cananeo, Heteo, Heveo, Perezeo, Gergeseo, Amoreo asin Jebuseo. Saindong maaaraman na yaon sa tahaw nindo an buhay na Dios,