Deuteronomio 4:36 - Marahay na Bareta Biblia

³⁶ Tinugotan niya kamong makadangog kan saiyang tingog hale sa langit tanganing matukdoan kamo. Nahiling nindo digdi sa daga an saiyang banal na kalayo, dangan nadangog nindo siyang nagtaram hale sa kalayo.

Deuteronomio 4:36 ပူးပေါင်းရင်းမြစ်များ

Nehemias 9:13

Hale sa langit naghilig ka sa Bukid nin Sinai; nagtaram ka sa saimong banwaan, asin tinawan mo sinda nin mga matanos na katogonan saka marahay na mga katukdoan.

Exodo 19:18

Napatos nin aso an bukid huli ta naghilig duman an Kagurangnan sa porma nin kalayo. Nag-itaas an aso arog sa aso nin sarong horno asin naglinog nin makosog an bilog na bukid.

Exodo 19:19

Mantang orog na nagkokosog an tanog kan trompeta, nagtaram si Moises, asin sinimbag siya nin Dios sa daguldol.

Exodo 19:9

Nagtaram an Kagurangnan ki Moises, “Madolok ako saimo sa mahibog na panganoron, tanganing madangog kan mga tawo an pagtaram ko saimo, asin tanganing sagkod lamang magtubod sinda sa saimo.” Ibinareta ni Moises sa Kagurangnan an simbag kan mga tawo.

Exodo 24:16

An kamurawayan nin Kagurangnan nag-ontok sa Bukid nin Sinai. Sa paghiling kan mga Israelita, an kamurawayan nin Kagurangnan arog sa malaad na kalayo sa alitoktok kan bukid. Anom na aldaw na natahoban nin panganoron an bukid. Sa ikapitong aldaw, hale sa panganoron, inapod nin Kagurangnan si Moises.

Deuteronomio 4:12

Sabihan nindo sinda kun paano nagtaram an Kagurangnan sa saindo hale sa kalayo; nadangog nindo an saiyang tingog alagad dai nindo siya nahiling sa ano man na porma.

Deuteronomio 4:15

“Kan magtaram saindo an Kagurangnan hale sa kalayo duman sa Bukid nin Sinai, mayo kamong nahiling na ano man na porma. Kaya magmaan kamo

Deuteronomio 4:33

Igwa daw nin banwaan na arog saindo na nakadangog sa sarong dios na nagtaram hale sa kalayo, asin padagos na nabuhay?

Deuteronomio 8:5

Giromdoma na sinasagwe asin pinapadusahan kamo nin Kagurangnan na saindong Dios siring sa sarong ama na nagdidisiplina kan saiyang mga aki.

Hebreyo 12:18

Arog kan mga Israelita, dai kamo nagdolok sa sarong bulod na nadudutaan—sa Bukid nin Sinai na may naglalaad na kalayo, may kadikloman, may dampog, may bagyo,

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?