Deuteronomio 4:34 - Marahay na Bareta Biblia

³⁴ Igwa daw nin dios na nangahas na magduman asin magkua nin sarong banwaan hale sa ibang nasyon dangan gibohon na saiyang sadiri, arog kan ginibo saindo nin Kagurangnan na saindong Dios duman sa Egipto? Sa atubang nindo, ginamit niya an saiyang kosog asin kapangyarihan huli sa mga helang saka gera, sa mga tanda sagkod ngangalasan patin sa mga mangirhat na bagay.

Deuteronomio 4:34 ပူးပေါင်းရင်းမြစ်များ

Salmo 136:12

huli kan saiyang makosog na kamot, asin mapangyaring takyag; an saiyang pagkamoot mayo nin kataposan.

Salmo 24:8

Siisay an hadeng ini nin kamurawayan? Siya an Kagurangnan, makosog asin mapangyari; siya an Kagurangnan, mapanggana sa gera.

Salmo 78:12

Sa atubang kan saindang mga ginikanan, ginibo nin Dios an saiyang mga ngangalasan sa Egipto, sa kapatagan nin Zoan.

Exodo 1:9

Nagsabi an hade sa saiyang banwaan, “Dakul nang marahay an mga Israelita asin mas makosog na ki sa sato.

Exodo 10:21

Nagtaram an Kagurangnan ki Moises, “Unata paitaas an saimong kamot tanganing magkaigwa nin mahibog na kadikloman na matahob kan daga nin Egipto, sarong kadikloman na mamamatean kan gabos.”

Exodo 10:7

Sinabihan an hade kan saiyang mga opisyal, “Sagkod nuarin kita riribokon kan tawong ini? Tugote nang humale an mga lalaking Israelita tanganing makapagsamba sinda sa Kagurangnan na saindang Dios. Dai mo pa nahihiling na raot na an Egipto?”

Exodo 13:3

Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Exodo 14:30

Kan aldaw na iyan, an banwaan nin Israel ilinigtas nin Kagurangnan sa mga Egipcio; nahiling ninda an mga gadan na Egipcio sa baybayon kan dagat.

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Exodo 19:4

Nahiling nindo kun ano an ginibo ko sa mga Egipcio asin kun paano ko kamo dinara sa sakuya siring sa pagdara kan agila sa saiyang siwo sa ibabaw nin saiyang pakpak.

Exodo 3:10

Ngunyan susugoon taka sa hade tanganing ikaluwas mo sa Egipto an mga Israelita na sakong banwaan.”

Exodo 6:6

Kaya sabihan mo an mga Israelita, ‘Ako an Kagurangnan; hahaleon asin papatalingkason ko kamo sa pang-ooripon kan mga Egipcio. Uunaton ko an sakong kamot tanganing padusahan sinda nin makuri asin ililigtas ko kamo.

Exodo 7:3

Alagad papatagason ko an puso kan hade tanganing maski dakul na makangingirhat na bagay an gibohon ko sa Egipto, dai siya madangog saimo.

Isaias 51:9

Pagmata, Kagurangnan, asin kami saimong tabangan! Gamita an saimong kapangyarihan asin kami ligtasan; gamita iyan siring kan ginibo mo kaidtong panahon. Ika an nagperedaso kan impakto sa dagat na si Rahab.

Jeremias 21:5

Lalabanan taka sa bilog kong kosog, kaanggotan asin makuring kabangisan.

Jeremias 32:21

Sa paagi nin mga tanda saka ngangalasan na natakotan kan samong mga kaiwal, ginamit mo an saimong kapangyarihan saka kosog tanganing iluwas sa Egipto an saimong banwaan.

Mga Bilang 20:16

kaya nag-agrangay kami sa Kagurangnan. Dinangog niya an samong inagrangay asin nagsugo siya nin anghel na iyo an nangenot samo paluwas sa Egipto. Ngunyan, uya kami sa Kades, an banwaan sa pagdolonan kan saimong teritoryo.

Deuteronomio 1:30

An Kagurangnan na saindong Dios an mangengenot saindo asin makikilaban para saindo, arog kan nahiling nindong ginibo niya sa Egipto

Deuteronomio 10:21

Pag-omawon nindo siya huli ta siya an saindong Dios; nahiling nindo an dakula asin makangangalas na mga bagay na ginibo niya para saindo.

Deuteronomio 11:2

Giromdoma nindo ngunyan an nanodan nindo manongod sa Kagurangnan, huli sa mga nangyari saindo. Kamo asin bako an saindong mga aki an nag-agi kan siring na mga eksperyensya. Nahiling nindo an kadakulaan nin Kagurangnan, an saiyang kapangyarihan asin kosog,

Deuteronomio 26:8

Huli kan saiyang dakulang kapangyarihan saka kosog, asin huli kan dakul na ngangalasan saka mangirhat na mga bagay na saiyang ginibo, ilinuwas niya kami sa Egipto.

Deuteronomio 29:3

Nahiling nindo an mga makatakot na peste, an mga tanda saka mga ngangalasan na ginibo niya;

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.

Deuteronomio 34:12

Mayong ibang propeta na makakagibo kan mga dakula saka makangirhat na mga bagay na ginibo ni Moises sa atubang kan bilog na Israel.

Deuteronomio 5:15

Giromdoma nindo na mga oripon kamo duman sa Egipto, asin ako, an Kagurangnan na saindong Dios, an nagligtas saindo huli kan sakong dakulang kapangyarihan saka kosog. Kaya ipinagboboot ko saindo na giromdomon nindo an Sabbath.

Deuteronomio 6:21

sabihan nindo sindang, ‘Mga oripon kami kaidto kan hade nin Egipto, alagad ilinigtas kami nin Kagurangnan huli kan saiyang mapangyaring kamot.

Deuteronomio 7:19

Nahiling nindo an mga makangirhat na peste, mga tanda saka mga ngangalasan; an dakulang kapangyarihan asin kosog na ginamit nin Kagurangnan na saindong Dios sa pagligtas saindo. Arog man kaiyan an saiyang gigibohon sa mga banwaan na natatakotan nindo.

Deuteronomio 9:29

Iyo baga ini an banwaan na saimong pinili bilang sadiri asin ilinuwas sa Egipto huli kan saimong dakulang kapangyarihan asin kosog.’

Josue 24:7

naghagad sinda sako nin tabang asin binugtakan ko nin kadikloman sa pagultanan ninda saka kan mga Egipcio. Tinahoban ko kan dagat an mga Egipcio dangan linamos ko sinda. Aram nindo kun ano an ginibo ko sa Egipto. “‘Haloy kamong nag-erok sa kalangtadan.

1 Pedro 5:6

Kaya magpakumbaba kamo asin magpasakop sa kapangyarihan nin Dios, tanganing ilangkaw niya kamo sa panahon na itinalaan niya.