Deuteronomio 4:32 - Marahay na Bareta Biblia

³² “Siyasaton nindo an nakaaging panahon, bago kamo namundag, poon kan lalangon nin Dios an tawo sa ibabaw nin daga; siyasaton nindo an bilog na kinaban. Nangyari na daw o nadangog na daw an dakulang ngangalasan na arog kaini?

Deuteronomio 4:32 ပူးပေါင်းရင်းမြစ်များ

Genesis 1:27

Kaya linalang nin Dios an katawohan siring sa saiyang ladawan; linalang niya sindang lalaki asin babae.

2 Samuel 7:23

Mayo nin ibang nasyon sa kinaban arog kan Israel, na saimong ilinigtas sa kaoripnan tanganing gibohon na sadiri mong banwaan. An darakula asin makangangalas na mga bagay na ginibo mo para sainda nakapabantog saimo sa bilog na kinaban. Pinalayas mo an ibang nasyon asin an saindang mga dios-dios mantang nagdadangadang an saimong banwaan, an banwaan na saimong pinatalingkas sa Egipto tanganing saimong masadirihan.

An Libro ni Job 8:8

“Paghumapot, nakikimaherak ako saimo, dapit sa nakaaging panahon, asin siyasata an mga katotoohan na nanodan kan satong mga ginikanan.

Salmo 44:1

O Dios, nadangog mi kan samong mga talinga— sinabi samo kan samong mga ginikanan, an mga ginibo mo kan panahon ninda, kan mga aldaw na haloy nang nakaagi:

Exodo 34:10

Nagtaram an Kagurangnan ki Moises, “Makikipagtipan ako ngunyan sa banwaan nin Israel. Sa atubangan ninda, magibo ako nin ngangalasan na dai pa lamang nagigibo sa bilog na daga, o sa arin man na nasyon. Mahihiling kan gabos na tawo an darakulang bagay na gigibohon ko, huli ta magibo ako nin makangingirhat na bagay para saimo.

Isaias 45:12

Ako an naggibo kan kinaban asin naglalang kan katawohan nganing mag-erok diyan. Inunat ko an kalangitan huli sa sakong kapangyarihan; pinagbobotan ko an aldaw, an bulan, asin an kabitoonan.

Joel 1:2

Dangoga nindo ini, kamong mga gurang na; paghinanyog, kamong nag-eerok sa Juda! Nangyari na daw an siring kaini sa saindong panahon o sa panahon kan saindong mga magurang?

Amos 3:2

“Sa gabos na nasyon sa daga, ika sana an pinili ko asin inataman. Iyan an dahelan kun tadaw ta orog na minagabat an saimong mga kasalan, asin kun tano ta kaipuhan padusahan taka.”

Mateo 24:31

Matanog nin makosog an trompeta, dangan susugoon niya an saiyang mga anghel sa pagtipon kan saiyang mga pinili hale sa apat na kanto kan kadagaan, poon sa sarong poro kan kinaban sagkod sa ibong na poro.

Markos 13:27

Susugoon niya an mga anghel tanganing tiponon an mga tawong pinili hale sa apat na kanto kan kadagaan poon sa sarong poro kan kinaban sagkod sa ibong na poro.

Deuteronomio 28:64

“Iwawarak kamo nin Kagurangnan sa gabos na nasyon, sa gabos na poro nin daga; malingkod kamo duman sa mga dios-dios na gibo sa kahoy saka gapo, mga dios-dios na dai pa nindo sinamba ni kan saindong mga ginikanan.

Deuteronomio 30:4

Maski nagkawararak kamo sa pinakaharayong parte kan daga, titiponon kamo nin Kagurangnan na saindong Dios asin ibabalik,

Deuteronomio 32:7

“Giromdoma an nakaaging mga aldaw, an mga taon nin kadakul na henerasyon. Hapota an saindong mga ama dapit sa mga nangyari, an kamagurangan kun ano an nakaagi.

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.

Deuteronomio 4:7

“Arin na mapangyaring nasyon an igwa nin dios na harani saiya, arog sa Kagurangnan na satong Dios, na harani nin marahay sa sato, kun minaapod kita saiya?