Deuteronomio 4:29 - Marahay na Bareta Biblia

²⁹ Hihidawon nindo duman an Kagurangnan na saindong Dios, asin kun hahanapon nindo siya sa bilog nindong puso, makukua nindo siya.

Deuteronomio 4:29 ပူးပေါင်းရင်းမြစ်များ

2 Mga Hade 10:31

Alagad bakong bilog sa puso an pagkuyog ni Jehu sa Kagurangnan, an Dios nin Israel; inarog niya an mga gibong maraot ni Jeroboam na nagpakasala sa Israel.

2 Mga Hade 23:3

Nagtindog siya sa kataed kan harigi asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro. Dangan an bilog na banwaan nanuga na ootobon an tipan.

2 Mga Cronica 15:12

Naggibo sinda nin tipan, saen nanumpa sinda na sasambahon an Kagurangnan, an Dios kan saindang mga ginikanan, sa bilog nindang puso asin kalag.

2 Mga Cronica 15:15

Nag-ogma an bilog na banwaan nin Juda huli ta ginibo ninda an pakipagtipan na ini sa bilog nindang puso. Naogma sinda na magsamba sa Kagurangnan, asin inako niya sinda saka tinawan nin katoninongan sa bilog na lugar.

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 15:4

Alagad kan mag-apod sinda sa panahon nin kasakitan, asin hinanap an Kagurangnan, an Dios nin Israel, nakua siya ninda.

2 Mga Cronica 31:21

Nagin mauswag siya huli ta an gabos na ginibo niya para sa Templo o sa pag-otob kan Katogonan, ginibo niya sa bilog niyang puso.

Nehemias 1:9

Alagad kun magbalik kamo sako asin magkuyog kan mga togon na itinao ko, titiponon ko kamo asin dadarahon sa lugar na pinili kong pagsambahan sako, maski pa magkawararak kamo sa mga poro nin kinaban.’

Nehemias 9:27

kaya tinugotan mong madaog saka masakop sinda kan saindang mga kaiwal. Dangan sa saindang kasakitan naghagad sinda saimo nin tabang, asin hale sa langit sinimbag mo sinda. Sa dakula mong pagkaherak nagpadara ka nin mga lider, na nagligtas sainda sa kamot kan saindang mga kaiwal.

Salmo 119:10

Sa bilog kong puso hinahanap taka; dai man logod ako makasuhay sa saimong mga togon.

Salmo 119:145

Sa bilog kong puso minaapod ako saimo; simbaga ako, Kagurangnan, asin kukuyogon ko an saimong mga pagboot!

Salmo 119:2

Paladan an mga tawong nag-ootob kan saiyang mga kabotan, na nagkukuyog sa saiya sa bilog nindang puso.

Salmo 119:58

Sa bilog kong puso ako nakikimaherak; kaheraki ako sosog sa saimong panuga!

Jeremias 3:10

Pagkatapos kan gabos na ini, an Juda, an bakong maimbod na tugang nin Israel, nagsagin-sagin na nagbalik sako alagad bakong tudok sa puso an saiyang pagbalik. Ako, an Kagurangnan, an nagtaram.”

Jeremias 51:50

Nagsasabi an Kagurangnan sa saiyang banwaan na nasa Babilonia: “Kamong mga nakadulag sa kagadanan, humale na kamo diyan. Dai na kamo maghalat! Maski nasa harayo kamo, giromdoma nindo ako, na saindong Kagurangnan, saka giromdoma nindo an Jerusalem.

Ezekiel 6:9

saen mamumuhay sinda sa pagkatapokan. Duman ninda ako magigiromdoman asin maaaraman ninda na pinadusahan saka hinahalean ko sinda nin onra, huli ta tinalikodan ako kan saindang bakong maimbod na mga puso asin pinaorog ninda an mga dios-dios ki sa sako. Ikakaongis ninda an saindang sadiri huli sa mga karatan saka makauuyam na mga bagay na saindang ginibo.

Joel 2:12

“Alagad maski ngunyan,” an sabi nin Kagurangnan, “magbalik kamo sako sa bilog nindong puso na may pag-ayuno asin pagtangis patin pagmondo.

Amos 5:4

An Kagurangnan nagtataram sa banwaan nin Israel, “Madya kamo sa sako, asin mabubuhay kamo.

Deuteronomio 10:12

“Banwaan nin Israel, dangoga nindo ngunyan an kahagadan saindo nin Kagurangnan na saindong Dios; magkaigwa kamo nin pagkatakot saiya asin otobon nindo an saiyang mga pagboot. Kamotan nindo an Kagurangnan saka paglingkodan nindo siya sa bilog nindong puso,

Deuteronomio 11:13

“Kaya kuyogon nanggad nindo an gabos na togon na itinao ko saindo ngunyan; kamotan nindo an Kagurangnan na saindong Dios asin paglingkodan nindo siya sa bilog nindong puso.

Deuteronomio 26:16

“Ngunyan na aldaw pinagbobotan kamo nin Kagurangnan, na saindong Dios, na kuyogon nindo an gabos niyang togon saka pagboot; kaya kuyogon nindo ini gabos sa bilog nindong puso.

Deuteronomio 30:10

alagad kaipuhan kuyogon nindo siya dangan otobon an gabos niyang togon saka pagboot na nasusurat sa librong ini nin mga katukdoan. Kaipuhan magbalik kamo sa Kagurangnan na saindong Dios sa bilog nindong puso.

Deuteronomio 6:5

Kamotan nindo an Kagurangnan na saindong Dios sa bilog nindong puso, sa bilog nindong kalag, asin sa bilog nindong kosog.

Josue 22:5

Kuyogon nanggad nindo an togon na itinao saindo ni Moises: kamotan nindo an Kagurangnan na saindong Dios, gibohon an saiyang kabotan, kuyogon an saiyang mga pagboot, magmaimbod saiya, asin paglingkodan siya sa bilog nindong puso saka kalag.”

1 Samuel 7:3

Sinabihan ni Samuel an mga Israelita, “Kun magbalik kamo sa Kagurangnan sa bilog nindong puso, kaipuhan haraleon nindo an mga dayuhan na dios asin an mga ladawan kan diosang si Astarte. Bilog nindong idusay an saindong sadiri sa Kagurangnan; siya sana an saindong paglingkodan, asin ililigtas niya kamo sa kapangyarihan kan mga Filisteo.”