Deuteronomio 4:26 - Marahay na Bareta Biblia

²⁶ Saksi ko an langit asin an daga laban saindo ngunyan na aldaw, na kun suhayon nindo ako, mapapara kamo sa daga. Dai maghahalawig an saindong buhay sa ibong kan Jordan, sa daga na saindong sasakopon. Magagadan kamo gabos.

Deuteronomio 4:26 ပူးပေါင်းရင်းမြစ်များ

Genesis 19:13

huli ta tutunawon mi an lugar na ini. Nadangog nin Kagurangnan an gabos na sumbong laban sa mga nag-eerok sa Sodoma asin sinugo niya kami tanganing tunawon ini.”

1 Mga Hade 9:7

hahaleon ko an banwaan nin Israel sa dagang itinao ko sainda. Pababayaan ko man an Templong ini na kinonsagra ko para sa sakong ngaran. An Israel magigin ngingisihan asin pagtutuyatuyaon kan gabos na banwaan.

Isaias 1:2

Pagdangog, O kalangitan, asin paghinanyog, O daga; huli ta nagtaram an Kagurangnan, “Nagpadakula ako nin mga aking lalaki, alagad nagrebelde sinda tumang sako.

Isaias 6:11

Naghapot ako, “Sagkod nuarin ini magigin siring, Kagurangnan?” Nagsimbag siya, “Sagkod na magkararaot an mga syudad asin mayo nang mag-erok diyan, sagkod na an mga harong diyan mayo na nin nag-eerok—sagkod na an daga dai na mapakinabangan.

Jeremias 16:13

Kaya, itatapok ko kamo sa luwas kan dagang ini, sa sarong daga na dai nindo aram ni kan saindong mga ginikanan. Duman, aldaw-banggi kamong maglilingkod sa ibang mga dios asin dai ako maheherak saindo.’”

Jeremias 2:12

Kaya pinagbobotan ko an langit na magtakig sa takot, na magngalas saka mamongnan,

Jeremias 22:29

O daga, daga, daga! Hinanyoga kun ano an itinaram nin Kagurangnan:

Jeremias 32:24

“An mga taga Babilonia nagtambak na nin daga sa palibot kan syudad tanganing masakop ini, asin nagsasalakay na sinda. An syudad mahuhulog sa saindang kamot huli kan gera, gutom, asin peste. Nagkakatotoo na an gabos mong itinaram.

Jeremias 44:22

Sa mismong aldaw na ini, raot an saindong daga saka mayo nin nag-eerok. Nagin iyan sarong tanawon na nakakatakot, asin an ngaran kaiyan ginagamit kan mga tawo bilang sarong maldisyon, huli ta dai na natagalan nin Kagurangnan an saindong karatan saka makauuyam na mga gibo.

Jeremias 6:19

Paghinanyog, kinaban! An mga tawong ini dadarahan ko nin karatan, na bunga kan saindang mga plano; huli ta dai ninda dinangog an sakong mga tataramon asin isinikwal ninda an sakong katogonan.

Ezekiel 33:28

Gigibohon kong mamondo saka alang an daga, asin matatapos an kapangyarihan na ipinag-oorgulyo ninda. An kabukidan nin Israel magigin makatatakot kaya mayo na nin maagi duman.

Ezekiel 36:4

Kaya ini an itinataram ko, an Kagurangnan Dios, sa saindo, mga bukid saka mga bulod, mga ampas saka mga kapantayan, mga lugar na mamondo saka mga syudad na mayo nang nag-eerok, na sinamsaman asin pinagtuyatuya kan gabos na nasyon sa palibot.

Levitico 18:28

tanganing dai kamo isuka kan daga, arog kan pagsukahan kaini kan mga naenot saindong nag-erok duman.

Mikas 1:2

Dangoga nindo ini, kamo gabos na nasyon; hinanyoga nindo ini, kamo gabos na nag-eerok sa daga! Masaksi laban saindo an Kagurangnan Dios. Paghinanyog! Nagtataram siya hale sa langitnon niyang templo.

Mikas 6:2

Kamong mga bukid, asin kamo na nagdadanay na mga pundasyon kan daga; dangoga nindo an reklamo nin Kagurangnan. An Kagurangnan igwa nin reklamo laban sa saiyang banwaan. Sasangatan niya nin kaso an Israel.

Lukas 21:24

An iba magagadan sa gera, asin an iba dadarahon bilang mga bihag sa gabos na nasyon; rurumpagon kan mga pagano an Jerusalem sagkod na maotob an panahon ninda.

Deuteronomio 11:17

Kun gibohon nindo iyan, maaanggot saindo an Kagurangnan asin pupugolon niya an uran kaya dai matao nin bunga an daga. Magkakagaradan tolos kamo duman, maski ngani marahay an daga na itinatao niya saindo.

Deuteronomio 28:20

“Kun maggibo kamo nin maraot asin magtalikod kamo sa Kagurangnan, papadarahan niya kamo nin maldisyon, karibongan saka kasakitan sa gabos nindong gibo, sagkod na matunaw asin mapara tolos kamo.

Deuteronomio 28:22

Hahampakon niya kamo nin mga nakakaolakit na helang, kalentura, paggatok kan hawak; mapadara siya nin labi-labing init sagkod bagyo na maraot kan saindong mga tinanom. Dai kamo oontokan kan mga iyan sagkod na dai kamo magadan.

Deuteronomio 28:45

“Maabot saindo an mga maldisyon na ini asin magdadanay iyan saindo sagkod na kamo magadan, huli ta dai kamo nagkuyog sa Kagurangnan na saindong Dios, asin dai kamo nag-otob kan saiyang mga togon saka pagboot.

Deuteronomio 28:61

Papadarahan pa niya kamo kan gabos na helang saka kasakitan na dai nasusurat sa librong ini nin mga pagboot nin Dios, asin magagadan kamo.

Deuteronomio 29:28

Sa dakulang kaanggotan nin Kagurangnan ginabot niya sinda sa saindang daga asin itinapok sa sarong dayuhan na daga na pinag-eerokan ninda ngunyan.’

Deuteronomio 31:28

Tiponon nindo sa atubang ko an gabos na lider asin opisyal kan mga tribu, tanganing ikapahayag ko sainda an mga bagay na ini. Aapodon ko an langit sagkod an daga tanganing magsaksi para sako laban sainda.

Deuteronomio 32:1

“Dangoga, O langit, an sakong tataramon. Hinanyoga, O daga, an sakong sasabihon.

Deuteronomio 7:4

huli ta dadagkahon ninda an saindong mga aki na talikodan an Kagurangnan tanganing magsamba sa saindang mga dios-dios. Kun mangyari iyan, maaanggot saindo an Kagurangnan asin gagadanon niya kamo tolos.

Deuteronomio 8:19

Dai kamo malingaw sa Kagurangnan na saindong Dios asin dai kamo maglingkod patin magsamba sa ibang mga dios. Kun gibohon nindo iyan, pinapatanidan ko kamo ngunyan na talagang magagadan kamo.

Deuteronomio 8:20

Kun dai kamo magkuyog sa Kagurangnan, magagadan man kamo arog kan mga nasyon na saiyang roronoton sa pagdangadang nindo.

Josue 23:16

Kun dai kamo magkuyog kan tipan na ipinagboot nin Kagurangnan na saindong Dios na sunodon nindo, saka kun maglingkod kamo dangan magsamba sa ibang mga dios, malaad saindo an kaanggotan nin Kagurangnan asin tolos na magagadan kamo, sagkod na mayo nang matada saindo digdi sa marahay na dagang itinao niya saindo.”

Josue 24:20

Kun talikodan nindo siya tanganing maglingkod sa dayuhan na mga dios, maaanggot siya saindo saka papadusahan niya kamo. Gagadanon niya kamo, maski ngani marahay siya kaidto sa saindo.”