Deuteronomio 4:24 - Marahay na Bareta Biblia

²⁴ huli ta an Kagurangnan na saindong Dios arog sa kalayong nakakatutong, sarong maimon na Dios.

Deuteronomio 4:24 ပူးပေါင်းရင်းမြစ်များ

2 Mga Hade 24:20

An Kagurangnan naanggot sa mga taga Jerusalem saka sa mga taga Juda, kaya isinikwal niya sinda.

Salmo 21:9

Gigibohon niya sindang arog sa naglalaad na horno sa pag-abot niya. Hahalonon sinda nin Kagurangnan sa saiyang kaanggotan asin kalayo an matunaw sainda.

Salmo 78:58

Pinaanggot siya ninda huli kan saindang mga paganong altar; pinaimon siya ninda huli kan saindang mga dios-dios.

Exodo 15:7

Mga kaiwal dinaog kan saimong dakulang kapangyarihan; garo dagaming sinulo kan saimong kaanggotan.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Exodo 33:3

Maduman kamo sa daga na mayaman sa gabos na bagay. Alagad huli ta matagas an saindong payo dai ako maiba saindo ta tibaad tunawon ko kamo sa dalan.”

Exodo 34:14

“Dai kamo magsamba sa ibang dios, huli ta ako an Kagurangnan, na an ngaran Maimon, sarong maimon na Dios.

Isaias 10:17

An Dios, an ilaw nin Israel, magigin sarong kalayo. An banal na Dios nin Israel magigin sarong laad na mahalon kan gabos, maski kan mga binit saka mga tonok sa saro sanang aldaw.

Isaias 30:27

Uya, an Kagurangnan nagdadangadang hale sa harayo. An kalayo saka an aso nagpapahiling kan saiyang kaanggotan. Nagtataram siya, asin nakakasulo an saiyang mga tataramon siring sa kalayo.

Isaias 30:33

Haloy nang panahon na inandam an sarong lugar saen susuloon an hade kan Asiria sa sarong dakulang kalayo. Hararom saka mahiwas an lugar, asin halangkaw an tambak nin kahoy. An Kagurangnan an mahangos nin kalayo nganing makutan iyan.

Isaias 33:14

Nagtatakig sa katakotan an mga makasalan sa Sion. Nagsasabi sinda, “An paghukom nin Dios nakakaagid sa sarong kalayo na naglalaad sagkod pa man. Mabubuhay daw an saro sato sa siring na kalayo?”

Isaias 42:8

“Ako sana an Kagurangnan na saimong Dios. Mayo nin ibang dios na pwedeng makihiras kan sakong kamurawayan; dai ako matugot na mahirasan kan sakong kaomawan an mga ladawan.

Amos 5:6

Magdolok kamo sa Kagurangnan, asin mabubuhay kamo. Kun dai kamo magdolok saiya, maabot siya sa banwaan nin Israel siring sa kalayo. Susuloon kan kalayong iyan an mga taga Betel, asin mayo nin siisay man na makakasigbo kaiyan.

Nahum 1:2

Habo an Kagurangnan Dios nin mga karibal; pinapadusahan niya an mga tawong minasalungat saiya. Sa saiyang kaanggotan, binabalos niya sinda.

Nahum 1:6

Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Sofonias 3:8

Nagtataram an Kagurangnan, “Halaton nindo ako.” Halaton nindo an aldaw nin pagtindog ko tanganing iakusar an mga nasyon. Huli ta nagdesisyon na akong tiponon an mga nasyon asin mga kahadean tanganing ipamate sainda an init kan sakuyang kaanggotan. An bilog na daga tutunawon kan kalayo nin labi-labi kong kaanggotan.

Mga Bilang 25:11

“Huli kan ginibo ni Finehas, dai na ako anggot sa banwaan nin Israel. Dai siya nagtugot na pagsambahon an ibang dios kundi ako sana, kaya dai ko sinda inubos sa sakuyang kaanggotan.

1 Corinto 10:22

O tibaad boot nyatong mag-imon an Kagurangnan? Mas makosog daw kita saiya?

Deuteronomio 29:20

An siring na tawo dai nanggad papatawadon nin Kagurangnan; maglalaad laban sa saiya an bilog na kaanggotan saka pagkamaimon nin Kagurangnan, asin mapapasaiya an gabos na maldisyon na nasusurat sa librong ini, sagkod na mapara an saiyang ngaran sa ibabaw nin daga.

Deuteronomio 32:16

Pinapag-imon ninda an Kagurangnan kan saindang pagsamba sa mga dios-dios; pinaanggot siya ninda kan saindang marigsok na mga gibo.

Deuteronomio 5:9

Dai kamo magduko sa mga dios-dios o magsamba sa sainda, huli ta ako, an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Deuteronomio 6:15

Kun magsamba kamo sa mga dios-dios, malaad saindo an kaanggotan nin Kagurangnan asin tutunawon niya kamo, huli ta an Kagurangnan na nasa kaibahan nindo, sarong maimon na Dios.

Deuteronomio 9:3

Alagad ngunyan na aldaw mahihiling nindo na mangengenot saindo an Kagurangnan na saindong Dios siring sa sarong nakakatutong na kalayo. Sa pagdangadang nindo, dadaogon niya sinda tanganing madali nindo sindang mapahale asin magadan siring sa ipinanuga niya.

Hebreyo 12:29

huli ta an satong Dios garo kalayong nanghahalon.