Deuteronomio 4:22 - Marahay na Bareta Biblia

²² Dai ako makakabalyo sa Jordan, huli ta digdi ako magagadan sa dagang ini. Alagad makakabalyo kamo asin masasadirihan nindo an marahay na daga.

Deuteronomio 4:22 ပူးပေါင်းရင်းမြစ်များ

Amos 3:2

“Sa gabos na nasyon sa daga, ika sana an pinili ko asin inataman. Iyan an dahelan kun tadaw ta orog na minagabat an saimong mga kasalan, asin kun tano ta kaipuhan padusahan taka.”

Mga Bilang 27:13

Pakatapos mong mahiling iyan, magagadan ka siring kan saimong tugang na si Aaron,

Mga Bilang 27:14

huli ta sinuhay nindo an sakong pagboot duman sa kalangtadan nin Zin. Kan magreklamo tumang sako an bilog na komunidad duman sa Meriba, dai nindo ipinamidbid an sakong banal na kapangyarihan sa atubangan ninda.” (An Meriba iyo an burabod sa Kades sa kalangtadan nin Zin.)

Mga Bilang 31:2

“Padusahan mo an mga Midianita huli kan ginibo ninda sa banwaan nin Israel. Pakagibo mo kaiyan, magagadan ka.”

Deuteronomio 1:37

Huli saindo, naanggot man sako an Kagurangnan asin nagtaram, ‘Maski ika, Moises, dai makakaabot duman.

Deuteronomio 3:25

O Kagurangnan, tugotan mo akong makabalyo sa Salog nin Jordan asin mahiling an matubang na daga duman, an magayon na kabubuldan asin an kabukidan nin Lebanon.’

Deuteronomio 3:27

Magduman ka sa alitoktok kan Bukid nin Pisga asin mangalagkalag ka sa amihan, sa habagat, sa sirangan, asin sa solnopan. Maanan mo nin marahay an saimong mahihiling huli ta dai ka nanggad makakabalyo sa Jordan.

Deuteronomio 31:14

Dangan tinaraman nin Kagurangnan si Moises, “Madali ka nang magadan. Apodon mo si Josue asin darahon mo siya sa Tabernakulo tanganing sakuyang sugoon.” Naglaog sa Tabernakulo si Moises saka si Josue,