Deuteronomio 4:16 - Marahay na Bareta Biblia

¹⁶ ta tibaad magkasala kamo sa paggibo para saindo nin ladawan, maski sa anong porma, lalaki man o babae,

Deuteronomio 4:16 ပူးပေါင်းရင်းမြစ်များ

Exodo 32:7

Nagtaram an Kagurangnan ki Moises, “Humilig ka tolos, huli ta an saimong banwaan, na ilinuwas mo sa Egipto, nagin maraot asin nagkasala.

Isaias 40:18

Sa kiisay nindo ikakabaing an Dios? Paano nindo ilaladawan kun ano siya?

Isaias 44:13

Sinusukol kan karpintero an kahoy. Kinukuritan niya iyan nin korteng tawo dangan sinasapsapan kan saiyang mga kagamitan sagkod na makagibo siya nin magayon na rebulto nin tawo na ibubugtak niya sa saiyang harong.

Ezekiel 8:10

Kaya naglaog ako asin naghiling. An mga lanob igwa nin mga ladawan nin mga halas saka iba pang maating mga hayop, asin iba pang mga bagay na sinasamba kan mga Israelita.

Levitico 19:4

“Dai kamo magtalikod sako asin magsamba sa mga ladawan; dai kamo maggibo nin mga dios-dios na gibo sa metal dangan magsamba sainda. Ako an Kagurangnan na saindong Dios.

Levitico 26:1

Nagtaram an Kagurangnan, “Dai kamo maggibo nin mga ladawan o magpatindog nin mga estatwa, o hariging gapo o inukitan na mga gapo tanganing saindong sambahon. Ako an Kagurangnan na saindong Dios.

Juan 4:24

An Dios Espiritu, kaya an mga nagsasamba saiya dapat na magsamba sa espiritu asin sa katotoohan.”

Mga Gibo 17:29

Huli ta kita mga aki nin Dios, dai kita mag-isip na garo siya sarong ladawan na bulawan o plata o gapo, na ginibo nin tawo sosog sa saiyang kakayahan saka kadonongan.

Deuteronomio 16:22

Dai kamo magpatindog nin ano man na hariging gapo na ikinakaongis nin Kagurangnan.

Deuteronomio 27:15

“‘Maldisyonon an siisay man na maggibo nin ladawan na gapo, kahoy o metal, asin hilom na magsamba kaiyan; ikinakaongis nin Kagurangnan an pagsamba sa mga dios-dios.’ “Dangan an bilog na banwaan masimbag, ‘Amen!’

Deuteronomio 31:29

Aram kong pagkagadan ko, magigin maraot an banwaan na ini, asin isisikwal ninda an itinukdo ko sainda. Sa maabot na aldaw, maraot an mangyayari sainda, huli ta papaanggoton ninda an Kagurangnan huli sa paggibo kan mga bagay na ipinapangalad niya.”

Deuteronomio 4:23

Dai nanggad nindo paglingawan an tipan saindo nin Kagurangnan na saindong Dios. Otobon nindo an saiyang pagboot asin dai kamo maggibo nin ano man na ladawan na ipinapangalad niya,

Deuteronomio 4:25

“Maski nahaloy na kamo sa dagang idto, asin nagkaigwa na nin mga aki saka makoapo, dai nanggad kamo magkasala huli sa paggibo para saindo nin ano man na ladawan. Sarong karatan iyan sa atubang nin Kagurangnan asin makakapaanggot iyan saiya.

Deuteronomio 5:8

“‘Dai kamo maggibo nin ladawan kan anoman na nasa langit o nasa daga o nasa tubig sa irarom kan daga.

Deuteronomio 5:9

Dai kamo magduko sa mga dios-dios o magsamba sa sainda, huli ta ako, an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Deuteronomio 9:12

“Dangan nagtaram sako an Kagurangnan, ‘Humilig ka tolos hale sa bukid na ini, huli ta an saimong banwaan, na ilinuwas mo sa Egipto, nagin maraot asin nagkasala. Tinalikodan na ninda an ipinagboot kong gibohon ninda asin naggibo sinda nin metal na dios-dios para sainda.’

1 Timoteo 1:17

Itao man logod sagkod pa man an paggalang asin an kamurawayan sa Hade na mayo nin kataposan, na mayo nin kagadanan, na dai nahihiling, iyo sanang Dios! Amen.