Deuteronomio 4:1 - Marahay na Bareta Biblia

¹ Dangan sinabihan ni Moises an mga tawo, “Kuyogon nindo an gabos na togon asin pagboot na itinutukdo ko, tanganing mabuhay kamo asin masadirihan nindo an daga na itinatao saindo nin Kagurangnan, an Dios kan saindong mga ginikanan.

Deuteronomio 4:1 ပူးပေါင်းရင်းမြစ်များ

Salmo 105:45

Tanganing otobon ninda an saiyang kabotan asin kuyogon an saiyang mga katogonan. Omawon an Kagurangnan!

Salmo 119:4

Itinao mo samo an saimong mga togon Kagurangnan, asin pinagbotan na maimbod nyamong kuyogon iyan.

Exodo 18:20

Itukdo mo sa sainda an mga togon saka an mga pagboot nin Dios asin kun paano sinda dapat na mamuhay dangan kun ano an dapat nindang gibohon.

Jeremias 11:6

Dangan tinaraman ako nin Kagurangnan, “Magduman ka sa mga syudad nin Juda asin sa mga tinampo nin Jerusalem. Irukyaw mo duman an sakong mensahe saka sabihan mo an mga tawo na hinanyogon an kahagadan kan tipan saka otobon iyan.

Ezekiel 11:20

Dangan maglalakaw sinda sosog sa sakong mga pagboot asin kukuyogon ninda an sakong mga togon. Sinda an magigin banwaan ko asin ako an magigin Dios ninda.

Ezekiel 20:11

Itinao ko sainda an sakong pagboot asin tinukdoan ko sinda kan sakong mga katogonan, na magdadara nin buhay sa kiisay man na nagkukuyog kan mga iyan.

Ezekiel 20:21

“Alagad an henerasyon na idto nagtumang man sako. Dai sinda naglakaw sosog sa sakong mga pagboot asin sinuhay ninda an sakong mga togon, na nagdadara nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Ezekiel 36:27

Ibubugtak ko saindo an sakong espiritu asin gigibohon ko nanggad na magkuyog kamo sa sakong mga togon saka mag-otob kan mga pagboot na itinao ko saindo.

Ezekiel 37:24

Sarong hade na arog ki David na sakuyang sorogoon an magigin hade ninda. Magkakasararo sinda sa irarom kan pamamayo nin sarong hade asin maimbod na kukuyogon ninda an sakuyang mga togon.

Levitico 18:5

Sunodon nindo an mga pagboot saka mga togon na itinatao ko saindo; iyan an maligtas saindo. Ako an Kagurangnan.”

Levitico 19:19

“Kuyogon nindo an sakong mga pagboot. Dai nindo pagpalahian sa ibang klase an saindong mga hayop. Dai kamo magtanom nin duwang klaseng banhi sa sarong oma. Dai kamo magsulot nin gubing na gibo sa duwang klaseng tela.

Levitico 19:37

Kuyogon nindo an gabos kong togon saka pagboot. Ako an Kagurangnan.”

Levitico 20:8

Kuyogon nindo an sakong mga togon, huli ta ako an Kagurangnan, asin ako an nagpapabanal saindo.”

Levitico 22:31

“Kuyogon nindo an sakong mga pagboot; ako an Kagurangnan.

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Juan 15:14

Mga katood ko kamo kun gibohon nindo an mga ipinagboboot ko saindo.

Roma 10:5

Ini an sinurat ni Moises mapadapit sa kun paano nagigin matanos an tawo sa Dios huli sa pagkuyog kan Katogonan: “An nag-ootob kan Katogonan mabubuhay huli kaiyan.”

Deuteronomio 1:3

Sa enot na aldaw kan ikaonseng bulan kan ikakwarentang taon pakahale ninda sa Egipto, sinabihan ni Moises an mga Israelita kan gabos na ipinagboot saiya nin Kagurangnan na itaram sainda,

Deuteronomio 1:8

Ini gabos inandam ko para saindo; dumanon nindo asin sakopon an daga na ipinanuga ko na itatao sa saindong mga ginikanan, ki Abraham, ki Isaac, asin ki Jacob sagkod sa saindang kapagarakian.’”

Deuteronomio 11:1

“Kamotan nindo an Kagurangnan na saindong Dios, asin danay na kuyogon nindo an saiyang mga togon saka mga pagboot.

Deuteronomio 11:32

kuyogon nanggad nindo an mga pagboot na itinatao ko saindo ngunyan na aldaw.

Deuteronomio 13:1

“Kun an sarong propeta o an sarong parapaliwanag nin mga pangatorogan manuga saindo nin sarong tanda o ngangalasan,

Deuteronomio 16:20

Magpakamatanos kamo tanganing masadirihan nindo an daga na itinatao saindo nin Kagurangnan na saindong Dios, asin padagos kamong mag-erok duman.

Deuteronomio 30:16

Kun kuyogon nindo an mga togon nin Kagurangnan na saindong Dios, na itinatao ko saindo ngunyan na aldaw, kun kamotan nindo siya, kuyogon siya, asin otobon an gabos niyang togon, dangan mag-uuswag kamo asin magigin sarong dakulang nasyon. Bebendisyonan niya kamo sa daga na saindong lalaogon asin sasadirihon.

Deuteronomio 30:19

Pinapapili ko kamo ngunyan: sa buhay o sa kagadanan, sa bendisyon nin Dios o sa maldisyon niya. Inaapodan ko ngunyan an langit saka an daga na magsaksi sa gigibohon nindong pagpili. Pilion nindo an buhay, tanganing mabuhay kamo asin an saindong mga kapagarakian.

Deuteronomio 30:20

Kamotan nindo an Kagurangnan na saindong Dios, kuyogon siya, asin magmaimbod saiya, tanganing maghalawig an saindong buhay sagkod an buhay kan saindong mga kapagarakian duman sa daga na ipinanuga nin Kagurangnan na itatao sa saindong mga ginikanan na si Abraham, si Isaac asin si Jacob.”

Deuteronomio 4:40

Kuyogon nindo an saiyang mga togon asin pagboot na itinatao ko saindo ngunyan na aldaw, tanganing mapakarahay kamo sagkod an saindong mga aki, asin maghalawig an saindong buhay sa daga na sagkod lamang itinatao saindo nin Kagurangnan na saindong Dios.”

Deuteronomio 4:45

mga togon asin pagboot na ipinahayag niya sainda pakahale ninda sa Egipto,

Deuteronomio 4:8

Arin na mapangyaring nasyon an igwa nin mga matanos na togon asin pagboot arog kan itinao ko saindo ngunyan na aldaw?

Deuteronomio 5:1

Tinipon ni Moises an bilog na Israel asin sinabihan, “Banwaan nin Israel, dangoga nindo an mga togon asin mga pagboot na itatao ko saindo ngunyan na aldaw. Saboton asin kuyogon nanggad nindo an mga iyan.

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

Deuteronomio 6:1

“Iyo ini an gabos na togon na ipinagboot nin Kagurangnan, na saindong Dios, na itukdo ko saindo. Otobon nindo ini duman sa daga na saindong lalaogon asin sasadirihon.

Deuteronomio 6:24

Dangan pinagbootan kami nin Kagurangnan na satuyang Dios na kuyogon an mga togon na ini asin na matakot kami saiya. Kun gibohon mi ini, aatamanon niya asin papauswagon an satuyang nasyon.

Deuteronomio 7:11

Kaya kuyogon nindo an gabos na togon asin pagboot na itinao ko saindo ngunyan.

Deuteronomio 8:1

“Maimbod na kuyogon nindo an gabos na togon na itinao ko saindo ngunyan tanganing mabuhay asin magdakul kamo, patin masadirihan nindo an dagang ipinanuga nin Kagurangnan sa saindong mga ginikanan.

Deuteronomio 8:11

“Dai nanggad nindo paglingawan an Kagurangnan na saindong Dios; kuyogon nanggad nindo an gabos niyang togon saka pagboot na itinatao ko saindo ngunyan na aldaw.

Deuteronomio 9:1

“Paghinanyog kamo, banwaan nin Israel! Ngunyan na aldaw babalyohon nindo an Salog nin Jordan asin sasakopon an daga na pagsadiri kan mga nasyon na mas dakula asin mapangyari ki sa saindo. Darakula an saindang mga syudad na napapalibotan nin mga kudal na nakakaabot na sa langit.

Josue 3:9

Dangan sinabihan ni Josue an mga tawo, “Magdirigdi kamo asin dangoga nindo an itataram nin Kagurangnan na saindong Dios.