Deuteronomio 32:9 - Marahay na Bareta Biblia

⁹ Huli ta an kapagarakian ni Jacob saiyang pinili na magin saiyang sadiring kahirasan.

Deuteronomio 32:9 ပူးပေါင်းရင်းမြစ်များ

2 Samuel 14:16

Huli ta dadangogon niya ako asin ililigtas sa boot gumadan sako asin sa sakong aki tanganing mapara kami sa dagang itinao nin Dios sa saiyang banwaan.’

2 Samuel 20:19

Bantog an samong syudad, saro kan pinakamatoninong asin maimbod na syudad sa Israel. Tadaw ta boot mong rumpagon ini? Tano ta boot mong raoton an pamana nin Kagurangnan?”

1 Mga Hade 8:51

Sadiri mo an banwaan na ini na ilinuwas mo sa Egipto, idtong nagbabagang horno.

1 Mga Hade 8:53

Isiniblag mo sinda hale sa gabos na banwaan sa daga, tanganing magin pamana mo, siring kan ipinahayag mo huli ki Moises na saimong sorogoon kan iluwas mo sa Egipto an samong mga ginikanan.”

Salmo 106:40

Kaya naglaad an kaanggotan nin Dios sa saiyang banwaan; asin nabaldi sa saiyang pamana.

Salmo 106:5

Mahiling ko logod an pag-uswag kan saimong mga pinili, tanganing makahiras ako sa kaogmahan kan saimong nasyon, tanganing magmuraway ako kaiba kan saimong pamana.

Salmo 135:4

Pinili nin Kagurangnan si Jacob para saiya, si Israel bilang rogaring niya.

Salmo 28:9

Ligtasan, Kagurangnan, an saimong banwaan; an pamana mo saimong bendisyonan. Magin pastor ka ninda, atamana sinda sagkod lamang.

Salmo 33:12

Paladan an nasyon na an Dios iyo an Kagurangnan, an banwaan na saiyang pinili bilang pamana niya.

Salmo 74:2

Giromdoma an saimong banwaan, na kaidtong panahon pinili mo para saimo; na tinubos mo sa kaoripnan tanganing magin sadiring tribu. Giromdoma an Bukid nin Sion na saimong dating pinag-erokan.

Salmo 78:71

hale sa pag-ataman kan saiyang mga hayop, tanganing magin pastor ni Jacob na saiyang banwaan, nin Israel na saiyang pamana.

Exodo 15:16

Pakahiling kan saimong kosog, O Kagurangnan, takot asin takig sinda inabotan, siring sa gapo dai sinda nakahiro sagkod na makaagi an saimong banwaan, mga tawong ilinigtas mo sa kaoripnan.

Exodo 34:9

Dangan nagsabi siya, “O Kagurangnan, kun totoong nawiwilihan mo ako, nakikimaherak ako na ibahan mo kami, maski matagas an payo kan mga tawong ini. Patawadon mo kami kan samong mga karatan saka mga kasalan, asin akoa kami bilang sadiri mong banwaan.”

Isaias 19:25

Bebendisyonan sinda nin Kagurangnan nin mga hukbo asin masabi, “Bebendisyonan taka, Egipto, sakong banwaan; ika Asiria, na sakong linalang; asin ika, Israel, na sakong piniling banwaan.”

Isaias 34:17

Maerok sinda sa daga sagkod pa man, asin masasadirihan ninda iyan sagkod lamang.

Isaias 43:21

Sinda an banwaan na ginibo ko para sako, asin mag-aawit sinda sako nin mga pag-omaw!”

Jeremias 10:16

Bakong arog sainda an Dios ni Jacob; siya an naglalang kan gabos na bagay, asin pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Jeremias 2:7

Dinara ko sinda sa sarong matubang na daga, tanganing magpakabasog sinda sa mga bunga asin sa iba pang marahay na mga bagay na makukua duman. Alagad paglaog ninda, rinaot ninda an sakong daga; dinigtaan ninda an dagang itinao ko sainda.

Jeremias 51:19

An Dios ni Jacob bakong arog sainda; huli ta siya an naglalang kan gabos saka pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Mikas 2:5

Kaya pag-abot kan panahon na ibalik na an daga sa banwaan nin Kagurangnan, mayo kamong makukuang kahirasan.

Zacarias 2:12

An Juda magigin sarong mahalagang rogaring giraray nin Kagurangnan sa banal na daga, asin an Jerusalem iyo an syudad na mamomotan niya nin orog sa gabos.

Efeso 1:18

Hinahagad ko na maliwanagan an isip nindo tanganing manodan nindo kun ano an paglaom na inapodan niya saindo, kun ano an nagsusupay na biyaya na ipinanuga niya sa saiyang mga banal,

Deuteronomio 9:29

Iyo baga ini an banwaan na saimong pinili bilang sadiri asin ilinuwas sa Egipto huli kan saimong dakulang kapangyarihan asin kosog.’

Josue 24:17

An Kagurangnan na satong Dios iyo an nagligtas samo asin sa samuyang mga magurang sa kaoripnan duman sa Egipto. Nahiling mi an mga ngangalasan na ginibo niya. Inataman niya kami sa gabos na banwaan na samong inagihan.

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan: