Deuteronomio 32:7 - Marahay na Bareta Biblia

⁷ “Giromdoma an nakaaging mga aldaw, an mga taon nin kadakul na henerasyon. Hapota an saindong mga ama dapit sa mga nangyari, an kamagurangan kun ano an nakaagi.

Deuteronomio 32:7 ပူးပေါင်းရင်းမြစ်များ

Salmo 10:6

Nasa boot niya, “Mayong makakahiro sako; dai ako mamumugtak sa kapahamakan.”

Salmo 119:52

Kun nagigiromdoman ko an saimong paghukom kaidtong panahon, nararanga ako, O Kagurangnan.

Salmo 44:1

O Dios, nadangog mi kan samong mga talinga— sinabi samo kan samong mga ginikanan, an mga ginibo mo kan panahon ninda, kan mga aldaw na haloy nang nakaagi:

Salmo 44:2

kun paano mo pinahale an mga nasyon, asin pinatindog sa daga ninda an saimong banwaan; an ibang mga nasyon saimong pinadusahan, alagad an sadiri mo tinawan nin katalingkasan.

Salmo 77:8

Napara na daw sagkod pa man an danay niyang pagkamoot? Natapos na daw an saiyang mga panuga?

Salmo 78:5

Tinawan niya nin mga togon an banwaan nin Israel; nin mga pagboot an kapagarakian ni Jacob. Pinagbotan niya an satong mga ginikanan na itukdo an saiyang mga togon sa saindang kaakian,

Exodo 12:26

Kun maghapot an saindong mga aki, ‘Ano an kahulogan kan seremonyang ini?’

Exodo 13:14

Sa maabot na panahon, kun maghapot an saindong aking lalaki kun ano an boot sabihon kan ginigibo nindong ini, sabihan nindo, ‘Huli kan saiyang dakulang kapangyarihan, hinale kami nin Kagurangnan sa Egipto, saen nagin mga oripon kami.

Isaias 46:9

Giromdoma kun ano an nangyari kaidtong panahon; akoa nindo na ako sana an Dios asin pwera sako mayo na nin ibang dios; mayo na nin ibang arog sako.

Isaias 63:11

Alagad nagiromdoman ninda an nakaaging panahon, an panahon ni Moises, an sorogoon nin Kagurangnan, asin naghapot sinda, “Haen na ngunyan an Kagurangnan, na nagligtas kan mga lider nin saiyang banwaan kan nag-agi sinda sa dagat? Haen na an Kagurangnan, na nagtao kan saiyang espiritu ki Moises?

Deuteronomio 4:32

“Siyasaton nindo an nakaaging panahon, bago kamo namundag, poon kan lalangon nin Dios an tawo sa ibabaw nin daga; siyasaton nindo an bilog na kinaban. Nangyari na daw o nadangog na daw an dakulang ngangalasan na arog kaini?

Deuteronomio 8:2

Giromdoma nindo kun paano kamo pinangenotan nin Kagurangnan, na saindong Dios, sa pagbaklay nindo sa desyerto sa laog nin kwarentang taon. Pinasakitan niya kamo sa pagbalo saindo, tanganing aramon an nasa puso nindo, kun makuyog kamo kan saiyang mga togon o dai.

Hukom 6:13

Nagsabi si Gideon, “Kun pwedeng maghapot, kagurangnan, tano ta nangyayari sa samo an gabos na ini kun totoong yaon an Kagurangnan sa samo? Ano na an nangyari sa makangalas na mga bagay na inosip samo kan samong mga magurang manongod sa mga ginibo nin Kagurangnan—kun paano niya sinda ilinigtas sa Egipto? Ngunyan pinabayaan na kami nin Kagurangnan asin itinao sa kamot kan mga Midianita.”