Deuteronomio 32:34 - Marahay na Bareta Biblia

³⁴ “Dai linilingawan nin Kagurangnan an ginibo kan saindang mga kaiwal; naghahalat siya kan tamang oras tanganing sinda padusahan.

Deuteronomio 32:34 ပူးပေါင်းရင်းမြစ်များ

An Libro ni Job 14:17

Papatawadon mo iyan dangan hahaleon; gabos kong ginibong karatan, saimong paparaon.

Jeremias 2:22

Maski ka pa maggamit nin lihiya saka dakul na sabon sa paghugas, mahihiling ko man giraray an digta kan saimong kasalan.

Jeremias 32:10

Pinirmahan ko an kasuratan nin kabaklan saka sinelyohan; nagkua ako nin mga saksi asin an kwarta tinimbang ko.

Jeremias 44:21

“Manongod sa insenso na tinutong nindo asin kan saindong mga ginikanan, kan saindong mga hade saka mga lider, asin kan mga tawo na nag-eerok sa daga, sa mga banwa nin Juda saka sa mga tinampo nin Jerusalem—naghohona daw kamo na dai iyan aram nin Kagurangnan o nalingawan na niya iyan?

Oseas 13:12

“Nakatala an mga kasalan asin karatan nin Israel; nakasaray an mga talaan na iyan.

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.

1 Corinto 4:5

Kaya dai nindo dapat paghukoman an siisay man bago umabot an tamang panahon; halaton nindo an pag-abot kan Kagurangnan. Ihahayag niya sa liwanag an mga natatago sa kadikloman saka an mga natatagong kamawotan sa puso nin tawo. Dangan aakoon kan lambang saro hale sa Dios an kaomawan na maninigo saiya.

Deuteronomio 29:28

Sa dakulang kaanggotan nin Kagurangnan ginabot niya sinda sa saindang daga asin itinapok sa sarong dayuhan na daga na pinag-eerokan ninda ngunyan.’

Deuteronomio 32:33

siring sa arak na ginibo hale sa kamandag nin mga halas.