Deuteronomio 32:31 - Marahay na Bareta Biblia

³¹ Naaaraman kan saindang mga kaiwal na maluya an saindang mga dios, bakong arog kakosog kan Dios nin Israel.

Deuteronomio 32:31 ပူးပေါင်းရင်းမြစ်များ

Esdras 1:3

Ibahan logod kamo nin Dios, kamo gabos na saiyang banwaan. Magduman kamo sa Jerusalem asin hirahayon nindo an Templo nin Kagurangnan, an Dios nin Israel, na sinasamba sa Jerusalem.

Salmo 18:31

Huli ta siisay an Dios kundi an Kagurangnan? Siisay an gapo kundi an satuyang Dios?

Exodo 14:25

Kaya nakalubong an mga rweda kan saindang karwahe kaya nagin masakit an paglamag ninda. Nagsabi an mga Egipcio, “An Kagurangnan an nakikilaban para sa mga Israelita. Magharale na kita digdi!”

Exodo 8:6

Kaya inunat ni Aaron an saiyang kamot sa tangod kan katubigan nin Egipto asin nagruluwas an mga talapang patin napano kaini an daga nin Egipto.

Isaias 31:9

Huli sa takot, madulag an saindang hade, asin babayaan kan mga opisyal an saindang mga banderang panggera huli sa makuring pagkatakot.” An Kagurangnan an nagtaram—an Kagurangnan na sinasamba sa Jerusalem asin an saiyang kalayo naglalaad duman para sa mga sakripisyo.

Jeremias 40:3

asin ngunyan inotob niya an sinabi niya. An gabos na ini nangyari huli ta nagkasala an saimong banwaan tumang sa Kagurangnan saka dai ninda siya sinunod.

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Daniel 3:29

“Kaya ipinagboboot ko ngunyan na an siisay man sa arin man na nasyon, rasa, o lengwahe na magtaram tumang sa Dios ni Sadrak, Mesak, asin ni Abednego, pepedasohon, asin gagabaon an saiyang harong; huli ta mayo nin ibang dios na pwedeng magligtas sa siring kaining paagi.”

Mga Bilang 23:23

Huli ta mayong gayuma na makakadagka ki Jacob, Mayo nin pangkukulam na makakalaban sa Israel. Masabi ngunyan an mga tawo manongod sa Israel, “Hilinga nindo kun ano an ginibo nin Dios!”

Mga Bilang 23:8

Paano ko mamaldisyonon an dai minaldisyon nin Dios? Paano ko isisikwal an dai isinikwal nin Dios?

1 Samuel 2:2

“Mayong arog kabanal ki sa Kagurangnan; mayo nin siisay man, kundi siya sana, mayong parasurog na arog sa satong Dios.

1 Samuel 4:8

Siisay an maligtas sato sa kapangyarihan kan mga makokosog na dios na iyan? Iyo iyan an mga dios na guminadan kan mga Egipcio duman sa kalangtadan!