Deuteronomio 32:30 - Marahay na Bareta Biblia

³⁰ Kun tano ta an sangribo nadaog nin saro; an sampolong ribo, nadaog nin duwa. Pinabayaan sinda nin Kagurangnan na saindang Dios; isinikwal kan saindang mapangyaring Dios.

Deuteronomio 32:30 ပူးပေါင်းရင်းမြစ်များ

1 Mga Hade 14:16

Papabayaan nin Kagurangnan an Israel huli ta nagkasala si Jeroboam asin pinapagkasala niya an banwaan nin Israel.”

2 Mga Hade 7:5

Kaya kan madorodiklom na, nagpasiring sinda sa kampo kan mga taga Siria; alagad pag-abot ninda duman, mayo sindang inabotan na tawo.

1 Mga Cronica 12:14

An mga lalaking ini kan tribu ni Gad gabos mga opisyal kan hukbo, na an pinakadikit na bilang kan mga soldados na nasasakopan dai mahababa sa sanggatos katawo, asin an pinakadakul masobra sa sangribo.

2 Mga Cronica 24:24

Sadit sana an hukbo kan mga taga Siria, alagad ipinadaog nin Kagurangnan an dakulang hukbo nin Juda huli ta binayaan kaini an Kagurangnan, an Dios kan saindang mga ginikanan. Sa paaging ini pinadusahan si Joas.

An Libro ni Job 11:10

Kun dakopon ka nin Dios asin darahon sa hukoman, siisay an makakaolang saiya?

An Libro ni Job 16:11

Itinao na ako nin Dios sa kamot kan mga maraot; sa mga tawong bakong diosnon.

Salmo 31:8

Dai mo ako itinao sa sakong mga kaiwal, kundi an bitis ko pinamugtak mo sa mahiwas na lugar.

Salmo 44:12

Baratong ipinabakal mo an sadiri mong banwaan, na garo mayo nin halaga asin pakinabang.

Isaias 30:17

Madurulag an sangribo saindo pakahiling sa sarong kaiwal, asin lima sanang soldados an kaipuhan tanganing magdurulag kamo gabos. Mayo nin matatada sa saindong hukbo pwera kan solo-solong kahoy na nakakabitan kan bandera sa ibabaw kan bulod.

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Isaias 52:3

Nagsasabi an Kagurangnan Dios sa saiyang banwaan, “Ipinabakal kamo na mayo nin bayad, kaya tutuboson man kamo na mayo nin bayad.

Levitico 26:7

Dadaogon nindo an saindong mga kaiwal;

Levitico 26:8

an lima sa saindo makakadaog nin sanggatos asin an sanggatos saindo makakadaog nin sampolong ribo.

Mateo 18:25

An sorogoon na ini mayong ibabayad, kaya nagboot an hade na ipabakal siya kaiba an saiyang pamilya saka an gabos niyang rogaring tanganing mabayadan an utang.

Deuteronomio 32:4

“An Kagurangnan an saindong paraligtas, sa gabos niyang gibo, matanos asin mayong kakulangan. Dios na maimbod asin mayong karatan; matanos siya asin banal.

Josue 23:10

Maski siisay saindo pwedeng makapadulag nin sangribong tawo, huli ta an Kagurangnan iyo an nakikilaban para saindo, siring sa saiyang panuga.

Hukom 2:14

Kaya naanggot nin marahay sa sainda an Kagurangnan asin tinugotan niyang paghabonan asin salakayon an mga Israelita. Tinugotan niyang daogon kan mga kaiwal ninda an Israel, sagkod na dai na ninda kayang iligtas an saindang sadiri.

Hukom 3:8

Kaya naanggot sainda nin marahay an Kagurangnan asin pinabayaan niyang sakopon sinda kan hadeng si Cusan Risataim kan Mesopotamia; nagin oripon niya sinda sa laog nin walong taon.

1 Samuel 2:2

“Mayong arog kabanal ki sa Kagurangnan; mayo nin siisay man, kundi siya sana, mayong parasurog na arog sa satong Dios.