Deuteronomio 32:3 - Marahay na Bareta Biblia

³ Oomawon ko an ngaran nin Kagurangnan, asin an saiyang banwaan magpapahayag kan saiyang kadakulaan.

Deuteronomio 32:3 ပူးပေါင်းရင်းမြစ်များ

1 Mga Cronica 17:19

Kabotan asin katuyohan mo na gibohon ini para sako; ginibo mo an darakulang bagay na ini tanganing tukdoan ako.

1 Mga Cronica 29:10

Sa atubangan kan bilog na katiriponan, nag-omaw si David sa Kagurangnan asin nagsabi, “Pag-omawon ka, Kagurangnan, Dios ni Jacob na samuyang ginikanan, sa panahon na daing kasagkoran.

1 Mga Cronica 29:11

Saimo an kadakulaan, an kapangyarihan, an kamurawayan, an kapangganahan asin an kamahalan, huli ta saimo an gabos na nasa langit asin daga. Saimo an kahadean, O Kagurangnan, asin ika an nangongorog na kagsakop kan gabos.

1 Mga Cronica 29:13

Ngunyan, samuyang Dios, nagpapasalamat kami saimo, asin inoomaw mi an saimong mamurawayon na ngaran.

Salmo 150:2

Omawon siya huli kan saiyang mga gibong ngangalasan, omawon an saiyang mayong kapantay na kadakulaan.

Exodo 20:24

Gumibo kamo nin altar na daga para sako; sa ibabaw kaiyan idolot nindo an saindong karnero saka an saindong baka bilang tinutong na atang asin atang para sa katoninongan. Sa lambang lugar na pinili ko na pagsasambahan nindo sako, madatong ako dangan bebendisyonan ko kamo.

Exodo 33:19

Nagsimbag an Kagurangnan, “Papaagihon ko sa atubang mo an gabos kong kamurawayan asin ipapahayag ko an banal kong ngaran. Ako iyo an Kagurangnan; kakaherakan ko an gusto ko, asin tatawan ko nin biyaya an mawilihan ko.

Exodo 6:3

Nagpahiling ako ki Abraham, ki Isaac, asin ki Jacob bilang Dios na makakamhan sa gabos, alagad dai ako nagpamidbid sa sainda sa banal kong ngaran na Kagurangnan.

Jeremias 10:6

Kagurangnan, mayo nin makakaarog saimo; mapangyari ka, dakula saka mapangyari an saimong ngaran.

Jeremias 23:6

Magigin ligtas an Juda sa panahon nin saiyang paghahade, asin an Israel mamumuhay na matiwasay. Aapodon siya sa ngaran na ‘An Kagurangnan Samong Kaligtasan.’

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Juan 17:26

Ipinamidbid taka sainda asin padagos na ipapamidbid, tanganing an pagkamoot mo sako mapasainda asin ako man mapasainda.”

Juan 17:6

“Ipinamidbid taka sa mga tawong itinao mo sako hale sa kinaban. Sadiri mo sinda, dangan itinao mo sinda sako. Kinuyog ninda an mga tataramon mo;

Efeso 1:19

asin kun gurano kadakula an saiyang kapangyarihan na yaon sato na mga nagtutubod. An kapangyarihan na ini na yaon sato pareho kan kapangyarihan saka kosog

Deuteronomio 3:24

‘O Kagurangnan Dios, aram kong an ipinahiling mo sako iyo pa sana an kapinonan kan mga darakula asin makangangalas na mga bagay na gigibohon mo. Mayo nin dios sa langit asin sa daga na makakagibo kan mga ginibo mo.

Deuteronomio 5:24

dangan nagsabi, ‘Ipinahiling sato nin Kagurangnan na satuyang Dios an saiyang kadakulaan asin kamurawayan kan nadangog ta siyang magtaram hale sa kalayo! Satuyang nahiling ngunyan na aldaw na an Dios nagtaram sa tawo asin an tawo padagos na nabuhay.

Kapahayagan 15:3

Inaawit ninda an awit ni Moises na sorogoon nin Dios, asin an awit kan Kordero: “Dakula asin makangangalas an saimong mga gibo, O Kagurangnan, Dios na Makakamhan! Matanos asin totoo an saimong mga dalan, O Hade nin mga nasyon!