Deuteronomio 32:25 - Marahay na Bareta Biblia

²⁵ An gera manggagadan sa mga tinampo. An takot mahampak sa mga harong. Mga hoben na lalaki saka babae magagadan, sagkod an omboy na pasusuhon asin an ubanon na gurang.

Deuteronomio 32:25 ပူးပေါင်းရင်းမြစ်များ

2 Mga Hade 7:5

Kaya kan madorodiklom na, nagpasiring sinda sa kampo kan mga taga Siria; alagad pag-abot ninda duman, mayo sindang inabotan na tawo.

2 Mga Cronica 36:17

Kaya dinara nin Kagurangnan an hade nin Babilonia tanganing salakayon sinda. Ginadan kan hade an gabos na hoben na lalaki nin Juda maski an mga yaon duman sa Templo. Dai siya naherak sa kiisay man, aki man o gurang, lalaki man o babae; an gabos itinao nin Dios sa saiyang mga kamot.

Isaias 30:16

Kundi boot pa nindong magdulag sa saindong mga kaiwal sa paagi nin pagsakay sa maririkas na kabayo. Tama kamo—an pagdulag iyo mananggad an kaipuhan na gibohon nindo! Naghohona kamong marikas na an saindong mga kabayo, alagad mas marikas an mga kabayo kan mga naglalamag saindo!

Jeremias 44:7

“Kaya ako, an Kagurangnan nin mga hukbo, an Dios nin Israel, minahapot ngunyan saindo kun tadaw ta ginigibo nindo an siring na karatan sa saindong mga sadiri. Boot nindong darahan nin kapahamakan an mga lalaki saka an mga babae, an mga aki saka an mga omboy, tanganing mayo nin matada sa saindong banwaan?

Jeremias 44:8

Tadaw ta pinapaanggot nindo ako sa pagsamba nindo sa mga ladawan asin pagsakripisyo sa mga dios-dios digdi sa Egipto, na saindong pinag-eerokan? Ginigibo daw nindo ini sa pagraot kan saindong mga sadiri, tanganing magin subahan kamo kan gabos na nasyon saka gamiton ninda an saindong ngaran bilang sarong maldisyon?

Jeremias 9:21

Huli ta naglaog an kagadanan sa satong mga bintana, asin naglaog man sa satong mga palasyo; ginadan kaini an mga aking nasa tinampo asin an mga hoben na lalaki sa mga plasa.

Mga Panambitan 1:20

“Hilinga, Kagurangnan, an sakuyang kasakitan; an kalag ko nasa kahorasaan. Ronot na an sakuyang puso huli kan sakong mga kasalan. Igwa nin garadanan sa mga tinampo; minsan sa laog nin harong an kagadanan yaon man.

Mga Panambitan 4:4

Pinababayaan ninda an saindang mga omboy na magadan sa paha saka sa gutom; an mga aki nakikilimos nin kakanon, alagad mayo nin nagtatao sa sainda.

Ezekiel 7:15

Igwa nin ralaban sa mga tinampo asin igwa nin helang saka gutom sa mga harong. An mga nasa luwas kan syudad magagadan sa ralaban; an mga nasa laog kan syudad magigin biktima nin helang saka gutom.

Oseas 11:6

An gera madatong sa saindang syudad asin maraot kan saindang mga trangkahan. Magagadan sa gera an sakong banwaan huli ta ginigibo ninda an hinohona nindang tama.

Oseas 9:12

Alagad maski pa magpadakula sinda nin mga aki, kukuahon ko an mga iyan sa sainda asin mayo akong itatadang buhay. Herak man sa sainda sa panahon na bayaan ko na sinda.”

Oseas 9:16

An banwaan nin Israel nakakaagid sa sarong tinanom na naalang an mga gamot asin dai na nagbubunga. Dai sinda magkakaigwa nin mga aki, alagad maski pa magkaigwa sinda, gagadanon ko an mga aking namomotan nindang marahay.”

Levitico 26:25

Dadarahan ko kamo nin gera huli sa pagtalikod nindo sa satong tipan, asin kun magdurulag kamo pasiring sa saindong mga syudad, papadarahan ko kamo nin mga helang na mayong karahayan, dangan mapipiritan kamong magsuko sa saindong mga kaiwal.

Mikas 6:14

Makakan ka alagad dai mababasog—sa katotoohan padagos kang magugutom. Magsasaray ka, alagad dai mo iyan mapapakinabangan; an anoman na saimong sarayon raraoton ko sa gera.

2 Corinto 7:5

Poon kan mag-abot kami sa Macedonia, dai lamang kami nakapahingalo. Nanumpongan mi an kasakitan saen man kami bumirik—mga iriwal sa palibot, asin takot sa samong puso.