Deuteronomio 32:24 - Marahay na Bareta Biblia

²⁴ Magagadan sinda sa gutom saka kalentura, asin sa makatakot na mga helang. Isusubol ko sa pagsalakay sainda an mga maringis na hayop, asin an mga makamandag na halas na makagat sainda.

Deuteronomio 32:24 ပူးပေါင်းရင်းမြစ်များ

Genesis 3:14

Dangan tinaraman nin Kagurangnan Dios an halas, “Huli ta ginibo mo ini, isinusumpa taka sa gabos na hayop. Poon ngunyan magkakamang ka asin kabokabo an saimong kakakanon sa bilog mong pagkabuhay.

Genesis 49:15

Kan mahiling niya na marahay an pahingaloan Asin na nakakawili an daga, Tinios niya an magabat na pasan, Asin nagtrabaho bilang oripon.

An Libro ni Job 20:16

An hinahalon kan maraot garo man sana hudong; ginagadan siya kaiyan siring sa makamandag na halas.

Salmo 120:4

Huli sa mga bosog nin sarong paralaban, huli sa mga baga na naglalaad!

Salmo 91:6

ni sa mga peste na minahampak sa kadikloman, ni sa mga karatan na nakakagadan sa kaodtohan nin aldaw.

Isaias 65:25

Sabay na magkakakan an lalaw na ayam saka an kordero; magkakakan nin dagami an leon siring kan baka, asin dai na mangangagat an halas. Sa Sion, an sakong banal na bulod, mayo nin anoman na makakakulog o makakaraot.”

Jeremias 14:18

Kun minaduman ako sa kaomahan, nahihiling ko an mga nagadan sa gera. Kun minaduman ako sa mga banwa, nahihiling ko an mga tawong nagagadan sa gutom. Padagos sa pag-otob kan saindang katongdan an mga propeta saka mga padi, alagad dai ninda aram kun ano an saindang ginigibo.”

Jeremias 15:3

Ako, an Kagurangnan, an mapadara sainda nin apat na makangingirhat na bagay: magagadan sinda sa gera; guguyodon kan mga ayam an saindang mga bangkay; kakakanon sinda kan mga gamgam; asin sisimoton kan mga lalaw na hayop an matatada sa saindang mga bangkay.

Jeremias 16:4

Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Jeremias 8:17

“Magmaan kamo!” an sabi nin Kagurangnan. “Mapadara ako nin mga halas, mga rimoranon na dai mapapagaro, asin kakagaton ninda kamo.”

Mga Panambitan 5:10

Gutom an dahelan kan samong kalentura sagkod na an kublit mi magin arog kainit sa horno.

Ezekiel 14:15

“Pwede man na magpadara ako nin mga lalaw na hayop tanganing gadanon an mga tawo. An daga mapapano nin pag-alaman asin mayo na nin makakaagi diyan.

Ezekiel 14:21

Ini an tataramon nin Kagurangnan Dios: “Mapadara ako nin apat na mangirhat na padusa sa Jerusalem—gera, makuring gutom, lalaw na mga hayop, asin peste—tanganing gadanon an mga tawo saka mga hayop.

Ezekiel 5:17

Mapadara ako nin gutom saka mga lalaw na hayop na magadan kan saimong mga aki. Mapadara pa ako nin helang, kadahasan, saka gera na magadan saimo. Ako, an Kagurangnan, an nagtaram.”

Levitico 26:22

Papadarahan ko kamo nin mga maringis na hayop na magadan kan saindong kaakian, asin makakan kan saindong mga ataman na hayop tanganing kadikit na sana an matada saindo kaya mayo na nin maglalakaw sa saindong mga dalan.

Amos 9:3

Maski magtago sinda sa alitoktok kan Bukid nin Carmelo, hahanapon ko sinda asin dadakopon. Maski tagoan ninda ako sa irarom kan dagat, susugoon ko an impakto na yaon diyan tanganing kagaton sinda.

Mikas 7:17

Makamang sinda sa alpog arog sa mga halas; maabot sinda hale sa saindang mga bantayan na nagtatakig saka natatakot. Sa katakotan, madolok sinda sa Kagurangnan na samong Dios.

Habakkuk 3:5

Pinapadara niya an helang sa enotan niya asin pinagbobotan niya an kagadanan na magsunod saiya.

Deuteronomio 28:22

Hahampakon niya kamo nin mga nakakaolakit na helang, kalentura, paggatok kan hawak; mapadara siya nin labi-labing init sagkod bagyo na maraot kan saindong mga tinanom. Dai kamo oontokan kan mga iyan sagkod na dai kamo magadan.

Deuteronomio 28:48

Huli kaiyan, paglilingkodan nindo an mga kaiwal na ipapadara saindo nin Kagurangnan. Magugutom kamo, mapapaha, magigin huba, asin magkukulang sa gabos na bagay; aapihon kamo nin makuri kan Kagurangnan sagkod na kamo magadan.

Deuteronomio 28:53

“Sa panahon na sinasakop na kamo kan saindong mga kaiwal, magigin makuri an saindong gutom, kaya kakakanon nindo maski an mga aki na itinao saindo nin Kagurangnan na saindong Dios.